– Sot feston ditëlindjen këngëtarja/reperja amerikane, Amala Ratna Zandile Dlamini, e njohur me emrin skenik Doja Cat. Ajo u lind në tetor, të vitit 1995.
– Në këtë datë, të vitit 2016, Leonard Cohen publikoi albumin e tij të fundit, të titulluar ‘You Want It Darker’. Gjatë asaj kohe, Cohen ishte në gjendje të keqe shëndetësore dhe nuk shkoi kurrë në studion e regjistrimit, duke u mbështetur te djali i tij, Adam, i cili u kujdes për sesionet e incizimit.
– Me 21 tetor, të vitit 1958, Buddy Holly incizoi këngët e tij të fundit në Temple Studios, në New York. Super hitet e tij si ‘Raining in my Heart’, ‘Moondreams’ dhe ‘It Doesn`t Matter Anymore’, qëndruan për shumë javë në top listën muzikore amerikane.
