Martesa është një nga ritualet më të rëndësishme në pothuajse çdo kulturë të botës, pasi formalizon lidhjen midis dy njerëzve dhe ndërton një udhëtim të përbashkët jetese. Për të nderuar këtë lidhje të veçantë, çdo vit më 8 shkurt festohet “Dita Botërore e Martesës”, një mundësi e shkëlqyer kjo datë, për të propozuar partnerin, për të kurorëzuar dashurinë me martesë apo për të festuar lidhjen që tashmë keni ndërtuar me vite.
Kjo ditë është gjithashtu një rast i veçantë për të vlerësuar martesat që kanë qëndruar të forta ndër vite. Një telefonatë, një kartolinë apo një fjalë mirënjohjeje mund të shërbejë si falënderim për shembullin e tyre frymëzues dhe si mundësi për të mësuar nga përvoja e tyre e çmuar.
Le të kujtojmë sot dhe çdo ditë se martesa nuk është vetëm një lidhje ligjore, por një udhëtim i përbashkët i mbushur me dashuri, respekt dhe përkushtim. Investoni kohë dhe kujdes në marrëdhënien tuaj, nderoni ata që kanë qëndruar pranë njëri-tjetrit për shumë vite dhe mos harroni të krijoni momente të vogla që ushqejnë zemrën. Sepse çdo ditë e kaluar së bashku është një arsye më shumë për të festuar.
Në këtë ditë, le të festojmë dashurinë, përkushtimin dhe bukurinë e martesës në çdo formë të saj!
