Festivali më i madh muzikor në Kosovë, Sunny Hill Festival po rikthehet këtë verë me edicionin e pestë, që do të mbahet nga data 1 deri më 3 gusht, në Sunny Hill Festival Park, në Bërnicë të Poshtme, afër Prishtinës.
Pas katër edicionesh të suksesshme, festivali sivjet sjell një program të pasur me yje të muzikës botërore, emra të njohur lokalë dhe rajonalë, duke konfirmuar statusin e tij si një ndër festivalet më të mëdha në Evropë.
Performuesit kryesorë të këtij edicioni përfshijnë:
- Dua Lipa – këngëtarja me famë botërore
- Shawn Mendes – një nga zërat më të njohur të skenës pop ndërkombëtare
- Peggy Gou – DJ dhe producente e njohur për stilin elektronik
- Fatboy Slim, Mochakk dhe Anyma, emra të njohur në muzikën elektronike
Line-up sipas datave do të jenë:
- 1 gusht: Dua Lipa, Fatboy Slim
- 2 gusht: Shawn Mendes, Mochakk
- 3 gusht: Anyma, Peggy Gou
Festivali do të mirëpresë gjithashtu artistë të njohur nga Kosova dhe rajoni, si: Era Istrefi, Kida, Ledri Vula, Tayna, Lyrical Son & MC Kresha, Adrian Berisha, Art Lokaj & TNM, Bana Zahiti, Bleta Përtace, DJ Caboo, e të tjerë.
Përtej muzikës, Sunny Hill Festival synon të krijojë një përvojë të plotë kulturore me aktivitete shoqëruese si punëtori, ekspozita arti dhe hapësira për aktivizëm dhe ndërveprim social. Edicioni i sivjetmë do të zhvillohet për të dytin vit në zonën e Bërnicës, duke ofruar kushte më të mira për pjesëmarrësit dhe organizimin.
Biletat janë në shitje përmes faqes zyrtare të festivalit: www.sunnyhillfestival.com
