Korrupsioni dëmton zhvillimin ekonomik, minon besimin e qytetarëve ndaj institucioneve dhe pengon drejtësinë shoqërore. Çdo vit, më 9 dhjetor, shënohet ‘Dita Ndërkombëtare Kundër Korrupsionit’, e caktuar nga Organizata e Kombeve të Bashkuara (OKB) për të rritur ndërgjegjësimin global ndaj pasojave të korrupsionit dhe për të promovuar integritetin, transparencën dhe llogaridhënien në shoqëri.
Kjo ditë kujton rëndësinë që çdo qytetar, institucion dhe organizatë të veprojë me ndërgjegje dhe përgjegjësi, duke refuzuar çdo formë të abuzimit me pushtetin apo pasurinë publike.
Këtë vit, nën moton “Uniting the World Against Corruption”, OKB fton vendet anëtare të forcojnë bashkëpunimin ndërkombëtar, në luftën kundër korrupsionit dhe të ndërmarrin hapa konkretë për ndërtimin e institucioneve të ndershme dhe efikase. Radio KFOR mbështet këtë nismë, duke promovuar ndërgjegjësimin qytetar dhe vlerat e ndershmërisë në shoqëri, sepse vetëm përmes transparencës dhe drejtësisë mund të ndërtojmë një të ardhme më të mirë për të gjithë.
Lufta kundër korrupsionit fillon me secilin prej nesh!
