Pas shumë aktiviteteve Festivali i Muraleve ‘Muralfest’, do të përfundoj sot (17.07.19). Moto e këtij festivali këtë vit, ishte ‘Me art për tolerancë’ dhe solli artin vizuel duke pikturuar murale të ndryshme të qyteteve në Ferizaj dhe Prizren. Me aktivitete gjithpërfshirëse për artistët e rinj, ky festival po ashtu ka kontribuar në zhvillimin kulturor të shoqërisë dhe artit pamor.
Synim i këtij festivali këtë vit, ishte të përfshijnë sa më shumë të rinj, të komuniteteve të ndryshme në Kosovë në fushën e artit. Organizatorët po ashtu kanë njoftuar se viteve të ardhshme do të zgjerojnë bashkëpunimet e tyre edhe me komunat tjera të Kosovës.