Për të dytin vit me radhë “OneBeat Ballkan” do të mbledh 10 muzikantë të rinj, të moshës 19-35 vjeç nga Kosova, Shqipëria, Serbia, Mali i Zi, Maqedonia e Veriut, Kroacia dhe Shtetet e Bashkuara të Amerikës. Nga data 31 mars e deri më 23 prill, këta të rinj do të kenë mundësi të luajnë së bashku, të krijojnë muzikë të re dhe të udhëtojnë nëpër Ballkan, duke e përhapur frymën e bashkëpunimit, komunitetit dhe barazisë.
Të interesuarit mund të aplikojnë në këtë dresë elektronike: https://apply.balkans.1beat.org/, deri më datën 10 shkurt 2020.
“OneBeat Balkans” është pjesë e projektit të gjerë global “OneBeat”, i krijuar në Shtetet e Bashkuara të Amerikës si nismë e Byrosë për Edukim dhe Çështje Kulturore e Departamentit të Shtetit Amerikan dhe prodhohet nga “Bang on a Can’s Found Sound Nation”.
