– Me 30 nëntor, të vitit 1997, rock bendi Metallica u klasifikuan në vendin e parë në tabelën e albumeve më të dëgjuara në SHBA, me albumin e titulluar ‘Reload’. Ishte ky albumi i tretë i grupit që u klasifikua në pozitën e parë në SHBA.
– Me 30 nëntor, të vitit 1982, u publikua albumi ‘Thriller’, nga Michael Jackson. Albumi kaloi 190 javë në top listën muzikore zyrtare në Angli, për t’u bërë edhe albumi më i shitur i të gjitha kohërave i zhanrit pop, me mbi 66 milion kopje të shitura.
– Në po këtë datë, të vitit 2012, albumi “Unapologetic” i këngëtares Rihanna, ishte në vendin e parë në tabelën e albumeve më të shitura në Angli.
– Me 30 nëntor, të vitit 1994, rap këngëtari Tupac Shakur u qëllua pesë herë me armë, gjatë një grabitjeje me armë që ndodhi jashtë studios ku po regjistronte albumin e tij, në qytetin e Nju Jorkut.
