– Sot, me 8 tetor, feston ditëlindjen këngëtari, kantautori dhe aktori amerikan, Bruno Mars. Krijuesi i hitit “24K Magic”, “Just The Way You Are” dhe “Uptown Funk”, ka shitur deri më sot mbi 9 milion kopje të albumeve teksa ka fituar 80 çmime në karrierën e tij muzikore.
– Më 8 tetor, të vitit 1987, këngëtari Chuck Berry, u nderua me një yll në bulevardin e famshëm ‘Hollywood Walk of Fame’, në rrugën 1777 N. Vine.
– Në këtë datë, të vitit 2019, këngëtari Pitbull patentoi (trademark) shprehjen e tij të famshme “grito”, duke e bërë atë një nga tingujt e paktë të mbrojtur nga marka tregtare dhe me gjasë të parën nga një artist muzikor.
– Më 8 tetor, të vitit 2002, këngëtarja Jennifer Love Hewitt, publikoi albumin e saj të katërt të incizuar në studio, me titull ‘BareNaked’.
