Sot, të gjithë arkitektët por edhe pasionantët e kësaj fushe kremtojnë “Ditën Botërore të Arkitekturës”, një festë ndërkombëtare që nderon rolin e rëndësishëm që arkitektura luan në ndërtimin e qyteteve dhe hapësirave të jetueshme për njerëzit. Kjo ditë, është një mundësi për të reflektuar mbi ndikimin e arkitekturës në shoqëri dhe për të promovuar praktika të qëndrueshme në ndërtim dhe zhvillimin urban.
Tema me të cilën sivjet shënohet kjo ditë, është “Arkitektura për Jetë më të Mirë”, e cila thekson rëndësinë e krijimit të mjediseve të qëndrueshme dhe inovative që përmirësojnë cilësinë e jetës së përditshme. Me këtë rast, në Prishtinë, Instituti i Arkitekturës dhe Urbanistikës do të organizojë një ekspozitë të veprave më të fundit të arkitektëve kosovarë, ku do të diskutohet edhe për urbanizimin e qëndrueshëm dhe rëndësinë e hapësirave publike të gjelbëruara. Aktivitetet do të mbahen në ndërtesën e Muzeut të Kosovës, duke filluar nga ora 10:00.
Kjo ditë është gjithashtu një kujtesë e përpjekjeve të vazhdueshme për të ndërtuar qytete më të sigurta, më të gjelbërta dhe më të qëndrueshme, duke përdorur materialet dhe teknologjitë më të fundit për të përballuar sfidat e ndryshimeve klimatike dhe urbanizimit të shpejtë.
