Edhe gjatë ditëve në vijim, vendi ynë do të jetë mikpritës i shumë ngjarjeve kulturore, e Radio KFOR-i ju njeh me disa prej tyre:
Letërsia është pasqyrë e kohës, e shoqërisë, e kulturës dhe e ndryshimeve, e cila nëpërmjet fjalëve na frymëzon e na bën të mendojmë dhe të veprojmë për të ndryshuar vetën dhe botën. Të gjithë artdashësit apo të pasionuarit për letërsi, ftohen që të takojnë për së afërmi, shkrimtarët Arbër Selmani dhe Vlora Konushevci, për të bashkëbiseduar dhe për dëgjuar diskutime rreth procesit të shkrimit dhe pikëpamjeve të tyre rreth letërsisë.
Kjo ngjarje kulturore do të filloj sot (29.11.23), nga ora 19:00, tek objekti i Bibliotekës Hivzi Sylejmani.
Në Pallatin e Rinisë dhe Sportit në Prishtinë, nesër me datën 30 nëntor, nga ora 19:00, do të mbahet një koncert në mbështetje të mexosopranos Diellza Sylejmani Veseli, dedikuar edhe atyre që kanë luftuar dhe luftojnë me kancerin e gjirit. Në këtë koncert do të marrin pjesë edhe sopranoja Besa Llugiqi, pianisti Misbah Kaçamaku dhe Kori i Grave të Filarmonisë së Kosovës nën drejtimin e Hajrullah Sylës.
Si pjesë e Muajit të Filmit Evropian, në Kino ARMATA mes datave 1 nëntor dhe 9 dhjetor, projekti i mbështetur nga Akademia Evropiane e Filmit në bashkëpunim me Qendrën Kinematografike të Kosovës (QKK), do të shfaqin filmat, ‘Shpija’ me regji nga Flaka Kokolli, pastaj filmin ‘Në Kërkim të Venerës’ me regji të Norika Sefa dhe ‘Luaneshat e Kodrës’ me regji të Luana Bajramit. Të gjithë filmat do të shfaqen prej orës 18:00.
