Gjermanishtja është më shumë se një gjuhë, është një botë e pasur me histori, kulturë dhe inovacion. Ajo hap dyer drejt letërsisë klasike të Goethe dhe Schiller, melodive të klasikëve si Beethoven dhe filozofisë që ka formësuar mendimin modern. Nga Berlini me rrugët e tij plot art e histori, deri në Alpet që frymëzojnë natyrën dhe aventurën, gjermanishtja jeton në zemrën e një kontinenti me tradita të thella dhe mundësi të pafundme.
“Dita e Gjuhës Gjermane”, festohet çdo vit për të përkujtuar dhe promovuar bukurinë dhe rëndësinë e kësaj gjuhe të veçantë, ku nga qytetet historike të Vjenës dhe Hamburgut, deri te fshatrat malore të Bavarisë, gjermanishtja përjetëson një stil jetese dhe një kulturë të pasur që vlen të zbulohet dhe përjetohet.
Kjo ditë, është vendosur në kalendar për të nxjerrë në pah ndikimin e gjermanishtes në kulturën botërore dhe për të inkurajuar të gjithë që të zbulojnë thesaret që ajo mban.
