Muaji qershor në shumë vende të botës, shënon ‘Muajin e Ndërgjegjësimit për Shikimin e Fëmijëve’, një nismë që synon të theksojë rëndësinë e kontrollit dhe kujdesit për shikimin e fëmijëve që në moshë të hershme.
Shikimi i shëndetshëm është thelbësor për zhvillim normal të një fëmije, për të mësuar, lexuar, lëvizur lirshëm dhe për të ndërtuar marrëdhënie sociale. Sidoqoftë, shumë probleme me sytë kalojnë pa u vënë re, pasi fëmijët nuk janë gjithmonë në gjendje të shprehin që po përjetojnë vështirësi në shikim.
Zbulimi i hershëm i problemeve vizuale si miopia, ambliopia (syri dembel) apo strabizmi, është thelbësor për trajtim të suksesshëm. Gjatë këtij muaji, inkurajohen kontrolle të rregullta te okulisti, edhe nëse nuk vërehen shqetësime të dukshme.
Investimi në shikimin e fëmijëve është një investim në të ardhmen e tyre dhe zbulimi i hershëm i problemeve vizuale tek fëmijët, është thelbësor për trajtim të suksesshëm.
