E shpallur nga Kombet e Bashkuara “Dita Botërore e Drejtësisë Sociale”, shënohet çdo vit më 20 shkurt, që nga viti 2007. Qëllimi i kësaj dite është promovimi i drejtësinë sociale, duke adresuar çështje si varfëria, përjashtimi, barazia gjinore, punësimi, të drejtat e njeriut dhe mbrojtja sociale.
Drejtësia sociale ka të bëjë me krijimin e një shoqërie ku çdo individ ka mundësi të barabarta për t’u zhvilluar dhe për të pasur qasje në burime dhe mundësi, pavarësisht prejardhjes apo identitetit të tyre.
Barazia sociale është jashtëzakonisht e rëndësishme sepse siguron që çdo individ, pavarësisht prejardhjes, gjinisë, etnisë, statusit ekonomik apo besimeve, të ketë mundësi të barabarta në jetë. Ajo ndikon drejtpërdrejt në zhvillimin e një shoqërie më të drejtë, më të qëndrueshme dhe më të bashkuar.
