Përmbledhjen javore në teknologji e fillojmë me të rejat nga kompania Apple, ku kanë filluar lajmet për specifikat që mund t’i ketë seria e re e iPhone 16. Faqja e specializuar për teknologji Weibo, këtë javë ka shkruar se linja e re e telefonave të Apple, nuk parasheh teknologjinë e vërtetimit të gjurmëve të gishtërinjve ‘Touch ID’. Kujtojmë që kompania në fjalë po punon për teknologjinë e gjurmëve të gishtërinjve nën ekran, që mund të debutojë në vitin 2026.
Të reja javore kemi edhe nga Instagram-i, ku ky rrjet social ka njoftuar se tashmë të gjithë përdoruesit, mund të shkarkojnë Reels-at e postuara në profilet publike në Instagram, nëse profili në fjalë, nuk e çaktivizon këtë mundësi.
Kompania Google, ka dhënë paralajmërimin e fundit këtë javë, për llogaritë në Gmail, ato që mund të mos i keni përdorur për një kohë të gjatë. Kompania ka njoftuar se do të fillojë të fshijë llogaritë jo-aktive të Gmail, duke filluar nga data 11 dhjetor. Së bashku me to, do të fshihen edhe të gjitha përmbajtjet e lidhura me atë llogari që gjenden në aplikacionet Drive dhe Google Photos.
