Policia e Kosovës ka publikuar raportin e saj të rregullt 24-orësh, ku paraqiten statistikat e sigurisë publike dhe trafikut rrugor në gjithë territorin e vendit. Sipas të dhënave zyrtare, gjatë 24 orëve të fundit janë shënuar gjithsej 82 aksidente trafiku, prej të cilave 30 aksidente janë me të lënduar dhe 52 aksidente me dëme materiale.
Në kuadër të veprimeve për garantimin e sigurisë rrugore, Policia ka shqiptuar gjithsej 1.880 tiketa trafiku, si pjesë e masave parandaluese dhe ndëshkuese ndaj kundërvajtjeve në komunikacion.
Po ashtu, 20 persona janë arrestuar, ndërsa 16 persona ndodhen në mbajtje, në përputhje me procedurat ligjore.
Policia e Kosovës vazhdon t’u bëjë thirrje të gjithë qytetarëve për kujdes dhe respektim të rregullave të qarkullimit rrugor si dhe për bashkëpunim në ruajtjen e rendit dhe sigurisë publike.
Radio KFOR Shqip
