Bota sot shënon ‘Ditën e Revolucionit të Modës’, dedikuar rritjes së transparencës në industrinë e veshjeve.
Në thelb të kësaj dite nuk qëndron asnjë protestë, por një pyetje thelbësore që çdo konsumator duhet t’ia bëjë vetes: “Kush i ka bërë rrobat që i kam veshur?”
Kjo nismë, e cila lindi pas tragjedisë së Rana Plaza, në vitin 2013, synon të edukojë publikun mbi kushtet e punës dhe ndikimin mjedisor të industrisë së modës. Qëllimi është i thjeshtë: të nxisim markat të jenë më të hapura dhe më etike në zinxhirin e tyre të prodhimit.
Prandaj sot hedhim dritë mbi rëndësinë e të qenit një konsumator i informuar. Sepse, kur kërkojmë transparencë nga ata që prodhojnë atë që ne e veshim, ne mbështesim drejtpërdrejt dinjitetin e punëtorëve në mbarë botën.
