Edicioni i tretë i Festivalit të Këngës në RTK, do të zhvillohet më 6, 7 dhe 8 nëntor 2025, në Pallatin e Rinisë në Prishtinë. Ky festival, i organizuar nga Radio Televizioni i Kosovës (RTK), është një ngjarje e rëndësishme kulturore që synon promovimin e muzikës shqiptare dhe zhvillimin e artit muzikor në Kosovë.
Në këtë edicion do të garojnë 20 këngë, të përzgjedhura nga një komision profesionist, pas shqyrtimit të 44 aplikacioneve. Artistët pjesëmarrës përfaqësojnë një gamë të gjerë zhanresh dhe stilesh muzikore, duke përfshirë emra të njohur dhe talent të rinj. Disa nga këngët që do të interpretohen, janë:
- Almir Kraba – Nuk ka si ti
- Arjeta Palushaj – Andrra
- Arsi Bako – Rreze Zjarr
- Art Lokaj – Ty
- Bledi Kaso – S’do të doja dy jetë
- Dea Berisha – Afër
- Egzon Pireci – Kënga Jonë
- Elmedinë Ramushi – A po m’sheh
- Florent Abrashi – Unë dhe ti
- Kiara Juba – Nirvana
- Klea Dina – At
- Laorjan Ejlli – Një natë shkruajta për ty
- Nita Latifi & Algert Sala – Pija
- Santino de Bartolo – Naze Naze
- Semi Tafaj – Vazhdoj
Përgatitjet për festivalin kanë filluar me kohë, ndërsa orkestrat dhe bendet janë duke realizuar provat nën drejtimin e dirigjentëve të njohur si Linda Isufi, Alfred Kaçinari dhe Memli Kelmendi.
Ky festival është një mundësi e shkëlqyer për adhuruesit e muzikës të shijojnë performanca të larmishme dhe të mbështesin artistët shqiptarë.
