Sot, vëmendja e të gjithëve zhvendoset te magjia e UEFA Champions League, ku na pret një mbrëmje që nis herët dhe premton zjarr deri në minutat e fundit.
Ndeshja nis në orën 18:45, kur Bayer Leverkusen përballet me Arsenalin. Një duel taktik mes dy skuadrave që luajnë futbollin më modern në Evropë. Por, kulmi arrihet në orën 21:00 me tri përballje që peshojnë sa një finale.
Në “Parc des Princes”, PSG sfidon Chelsean në një betejë miliardash dhe prestigji. Ndërkohë, sytë e gjithë botës janë në “Santiago Bernabeu”, ku mbretërit e Real Madridit presin Manchester Cityn, një përplasje titanësh që përcakton fatet e këtij sezoni. Paralelisht, surpriza e këtij edicioni Bodo/Glimt kërkon të bëjë mrekullinë e radhës kundër Sportingut të Lisbonës.
Sonte, bëhuni gati për t’i përjetuar emocionet e natës më të madhe të këtij viti në Champions League!
