< Para 1 2 329 30 31274 275 276 Pas >

Sot ‘Dita Botërore e Librit dhe e Të Drejtave Autoriale’

23.04.18

23 prilli është përzgjedhur të jetë ‘Dita Botërore e Librit dhe e të Drejtave Autoriale’.
Përcaktimi i kësaj date nuk është bërë rastësisisht. Kjo datë përkon me ndarjen nga jeta të shkrimtarit më të madh të të gjitha kohërave William Shakespeare, ndërsa në të njëjtën datë është ndarë nga jeta edhe Miguel Servantes, autor i librit Don Kishoti i Mançes, që cilësohet si vepra më e përkthyer në botë.

‘Dita ndërkombëtare e Librit dhe e të Drejtave Autoriale’, po shënohet edhe në Kosovë.
Drejtori i Zyrës për të Drejtat e Autorit dhe të Drejtat e Përafërta, Valon Kashtanjeva, në një intervistë për Radio KFOR-in tha që Kosova ka shënuar progres sa i përket çështjeve të së drejtës autoriale:

më shumë...


Dita ndërkombëtare e tokës

22.04.18

Dita ndërkombëtare e planetit tonë tokës, shënohet më 22 Prill. Në vitin 2009 Kombet e Bashkuara vendosën që çdo vit në këtë datë të reflektojmë dhe të ngrisim ndërgjegjësimin për tokën, ambientin dhe ruajtjen e planetit tonë.
Toka dhe ekosistemet e saj janë shtëpia jonë.
Në mënyrë që të arrihet një ekuilibër i drejtë midis nevojave ekonomike, sociale dhe mjedisore të gjeneratave të sotme dhe të ardhshme, është e nevojshme të promovojmë harmoninë me natyrën dhe Tokën.

Komuna e Prishtinës, për nder të kësaj dite ka organizuar aktivitetin ‘Bëhu edhe ti mik i Tokës’, për të rritur vetëdijësimin për kujdesin ndaj natyrës dhe planetit.
Njëri nga organizatorët e aktivitetit ‘Bëhu edhe ti mik i tokës’ Ardian Berisha, në një intervistë për Radio KFOR-in na tregoi më shumë për këtë aktivitet:

Bëhu edhe ti mik i tokës, është aktivitet që shënohet në të gjitha vendet e botës dhe festohet nga më shumë se 500 milion njerëz. Në këtë ditë duke filluar nga ora 08:00 deri në mbrëmje do të organizojmë 10 aktivitete që përfshijnë ecjet në natyrë, do të bëhet mbjellja e luleve, pastaj do të organizohen aktivitete të jogas dhe meditimit në natyrë, po ashtu do të behet mbjellja e drunjëve dhe pastrimi i lagjeve dhe qytetit”, shtoi Berisha.

më shumë...


Publikohet revista e parë psikologjike

20.04.18

‘PSIKA’ do të titullohet revista e parë psikologjike në verzionin elektronik që do të botojë sot numrin e parë të saj në Kosovë.  
Kjo revistë do të sjellë  tek lexuesit informacione nga psikologjia, këshilla psikologjike dhe shumë rubrika të tjera. Kjo revistë do të përfshijë të gjitha grup-moshat në mënyrë që të jetë gjithëpërfshirëse.

Nga sot prej orës 16:30, revista ‘PSIKA’ do të jetë në dispozicion të lexuesve, të cilët do të mund të marrin informacion të pakufijshëm në faqen zyrtare: www.revistapsika.com.

Ndërkaq të gjithë ata të cilët duan të jenë pjesë e promovimit të kësaj reviste mund të bashkohen në një ceremoni të promovimit në Grand Hotel Prishtina (Salla e madhe), në Prishtinë, nga ora 16:30.

më shumë...


“100 % Original” nga Visar Mulliqi

20.04.18

Dashamirët e artit do të kenë mundësi ta shijojnë krijimtarinë e piktorit Visar Mulliqi e cila titullohet “100 % Original”. 
Në faqen zyrtare të piktorit, Visar Mulliqit, thuhet se pikturat që do të ekspozohen plotësojnë lidhshmërinë tek njëra-tjetra, sigurojnë një dimension ekspresionist që ngrit shikueshmërinë dhe kënaqësinë tek publiku.

Këto piktura për nga vlerat e tyre, justifikojnë plotësisht interesimin dhe vlerësimin e lartë të profesionistëve dhe artdashësve të shumtë si dhe nga vetë piktori i cili i koncepton si “100% Origjinale”.

më shumë...


Muzikë klasike shqiptare në Gjermani

20.04.18

Me nismë të pedagogeve të Fakultetit të Arteve, është mbajtur edicioni i dytë i “URACult Classics”, i shoqatës kulturore URACult, e cila vepron në Gjermani, e që është jetësuar në skenën “Altes Pfandhaus” në Köln të Gjermanisë, në saje të bashkëpunimit të mirë me pianistin Desar Sulejmani.

Muzikantë të shquar dhe pedagogë të Fakultetit të Muzikës nga Universiteti “Haxhi Zeka” në Pejë, sollën një program të larmishëm me vepra të kompozitorëve shqiptarë nga Kosova dhe Shqipëria.

Muzicientët që ekzekutuan në këtë koncert ishin: pianisti dhe dirigjenti Desar Sulejmani, pianistet Syzana Jakupi, Mimoza Pajaziti – Drançolli, mexosopranoja Besa Berberi, flautistja Dardane Nallbani, klarinetisti Fatbardh Gashi e oboisti Arsim Kelmendi, të cilët  prezantuan para publikut shqiptaro – gjerman në “Altes Pfandhaus” në Köln, vepra të muzikës së dhomës nga Bashkim Shehu, Rafet Rudi, Rauf Dhomi, Isak Shehu, Vinçenc Gjini, Trimor Dhomi, Drinor Zymberi, Valton Beqiri.

më shumë...


Irma, Rovena, Eneda dhe Besa ofrojnë koncert madhështor

20.04.18

Nga data 21 prill, mund t’i bleni biletetat për koncertin  madhështor “Diva Show”, me katër emrat e këngëtareve të mirënjohura shqiptare.

Këngëtaret Irma Libohova, Rovena Dilo, Eneda Tarifa dhe Besa Kokëdhima, do t’i bashkojnë forcat për një spektakël të shumëpritur, njofton Eurovision Albania.

Koncerti do të mbahet më 16 maj, në Pallatin e Kongreseve, duke filluar nga ora 20:00.
 

më shumë...


Ferizajn dhe Ludwigshafenin i bashkon shfaqja e Goethe’s

20.04.18

Më 27 prill, në ora 20:00, dashamirët e teatrit kanë mundësi të ndjekin premierën e shfaqjes për të rinj “Verteri”,e shkruar nga Johann Wolfgang Goethe“ nga regjisori gjerman Stefan Schletter, e cila do të shfaqet në teatrin ”Adriana”,në Ferizaj.

Në këtë shfaqje janë angazhuar aktorët: Jajush Ramadani, Milot Salihu e Edona Berisha Bekteshi kurse skenografinë dhe kostumet do t’i realizoj Nora Jentzsch, ndërsa përgjegjës për muzikën do të jetë Kushtrim Shemsedini.

Shfaqja realizohet si bashkëpunim teatror i Qendrës Multimedia nga Prishtina, teatrit “Adriana” nga Ferizaj dhe teatrit Pfalzbaubühnen nga Ludwigshafen.

më shumë...


Menan Kiseri në Rockuzinë

19.04.18

Për të gjithë ju që pëlqeni muzikën rock dhe jetën e natës, këtë të premte (20 prill), në Rockuzinë, mund të argëtoheni me muzikën e rokerit të shquar kosovar, Menan Kiseri dhe bendit të tij, në përbërje të vokalistit Besmir Shishkos, Fatjon Miftarit dhe Ardian Bakallit.

Kujtojmë se rokeri Menan Kiseri i përket gjenratës së rokerëve të parë shqiptarë, i cili karrierën e tij e nisi në vitin 1975, aso kohe me grupin ”Mehida”, me të cilin patën realizuar 2 albume, ndërsa si muzicient numëron mbi 30 albume, kryesisht të muzikës rock dhe është kompozitor i këngëve të shumë këngëtarëve të estradës kosovare.

më shumë...


Shënohet ‘Dita e Tokës’ edhe në Kosovë

19.04.18

Më 22 prill shënohet Dita Botërore e Tokës,  e pikërisht për këtë ditë Komuna e Prishtinës organizon aktivitet të ndryshme. Kjo ditë shërben për të ndihmuar njerëzit të kuptojnë se sa i rëndësishëm është mjedisi dhe për të menduar ekologjikisht.
Në këtë ditë synohet të rritet ndërgjegjësimi mundësive për të përmirësuar efikasitetin e energjisë dhe shfrytëzimin e burimeve të ripërtëritshme të energjisë dhe mbrojtjen e mjedisit.

Në ftesën e bërë nga faqja zyrtare “Bëhu edhe ti mik i Tokës!” ftohen të gjitha organizatat, bizneset dhe banorët e Prishtinës, që të shënojnë këtë ditë, duke ofruar edhe organizimet e tyre.

më shumë...


Me biçikleta drejt parkut të arinjëve

19.04.18

Vikendet janë të preferuara për secilin, e sidomos ato vikende që ofrojnë aktivitete të ndryshme. Kjo e diele do të jetë e veçantë për faktin se po këtë ditë organizohet aktiviteti  “Me biçikleta drejt Parkut të Arinjëve”, në Liqenin e Badovcit, e organizuar nga “AdventureTripsKosovo”.

Organizatorët njoftojnë se përveç  çiklizmit që do të jetë rreth 10 km, me një teren mesatarisht të vështirë, pjesëmarrësit do të kenë mundësi ta shijojnë edhe natyrën, duke i parë bjeshkët e bukura të Gollakut, të qëndrojnë për vizitë në Parkun e Arinjëve, të bëjnë një mini-piknik buzë liqenit të Badovcit, etj.

më shumë...


< Para 1 2 329 30 31274 275 276 Pas >