< Para 1 2 326 27 28566 567 568 Pas >

Matthew McConaughey edhe ligjërues universiteti

01.07.16

Në këtë vjeshtë aktori i Matthew McConaughey do të kthehet në universitet, por këtë radhë si ligjërues në orën e regjisë, njoftohet nga portali ‘TheWrap’.

Universiteti  ‘UT-Austin’s Moody College of Communications’ ka njoftuar se aktori do të ligjërojë për 30 studentë bashkë me regjisorin e filmit ‘Hunger Games’ Gary Ross si edhe profesorin e universitetit Scott Rice.

Sipas zëdhënësit të universitetit, është njoftuar se studentët do të kenë rastin të shohin pamje nga prapaskena e filmit më të ri nga McConaughey ‘Free State of Jones’ i cili u shfaq të hënën që shkoi më 24.6.16, përmes video inçizimeve ku do t’u ofrohen detaje në hollësi nga procesi i xhirimit. 

më shumë...


Matt Damon i vë në rreng disa qytetarë të rastit

30.06.16

Tre qytetarë në një qendër tregtare në Los Angeles, janë bërë aktorë të një rrengu të thurur nga Matt Damon, i cili personalisht i ka udhëhequr ata në detyrën e caktuar përmes telefonit, raporton DailyMail.

Damon, ka sqaruar lidhur me rrengun se ai me ekipin e tij e kanë përgatitur këtë simulim duke përzgjedhur persona të rastit për t’iu dhënë atyre mundësinë që të përjetojnë ndjenjën sikur të ishin aktorë në një film spiunazhi, ndërsa e tërë ngjarja është regjistruar në një video incizim. 

Ndërsa në fund fare, këta qytetarë udhëzohen që të gjejnë një zyrë ku ata takohen drejtpërdrejt me vetë aktorin, i cili i shpërblen me bileta falas për premierën e filmit të tij ‘Jason Bourne’ që do të shfaqet më 29 Korrik 2016.

Këtu në vijim mund të shihni edhe videon e kësaj ngjarje interesante.

më shumë...


Warner Bros publikon pjesëz nga filmi ‘Sully’ me Tom Hanks

30.06.16

Warner Bros., pas paralajmërimit për realizimin e filmit nga zhanri dramë ‘Sully’ me aktorin e njohur Tom Hanks në rol kryesor, tashmë ka liruar edhe një pjesëz ‘trailer’ raporton portal DailyMail.

Regjisori Clint Eastwood ka zgjedhur ngjarjen e zhvilluar më  15 Janar 2009, në fluturimin ‘US Airways Flight 1549’ dhe pilotin Chesley “Sully” Sullenberger, i cili në mënyrë heroike ateroi aeroplanin me 155 pasagjerë në lumin Hudson River, pasi motorët e tij u goditën nga një tufë patash shumë shkurt pas nisjes nga aeroporti LaGuardia në New York.

Në film do të pasqyrohet e tërë ngjarja ku do të theksohen edhe momente nga jeta e pilotit që nga ulja deri te analizat e pasojave, ku më pas u përfshinë si jeta personale dhe ajo profesionale e pilotit.

Në vijim mund të ndiqni pjesëzën e shkurtër të filmit i cili do të shfaqet në kinematë në SHBA më 9 Shtator 2016.

më shumë...


Demi Lovato e publikon këngën e re ‘Body Say’

30.06.16

Këngëtarja Demi Lovato ka rezervuar një befasi shumë të këndshme për adhuruesit e saj në mbrëmjen e hapjes së turneut bashkë me Nick Jonas ‘Future Now’ që e nisi në Atlanta, ka raportuar portali HollywoodLife.

Bina e koncertit për këngëtaren Lovato u bë vend publikimi i premierës së këngës së saj më të re ‘Body Say’ ekskluzivisht për të gjithë adhuruesit e saj të pranishëm, që u privilegjuan ta dëgjojnë këtë interpretim live për herë të parë.

Pa humbur kohë me shumë fjalë, në vijim mund ta dëgjoni këngën më të re nga Demi Lovato, ‘Body Say’.

më shumë...


Leslie Jones ankohet se kreatorët e refuzojnë

29.06.16

Pavarësisht famës si aktore në filmin ‘Ghostbusters’ Leslie Jones, e shfaqur në anën e djathtë në fotografi, ka deklaruar se kreatorët e veshjeve refuzojnë të dizajnojnë veshje enkas për të me rastin e paraqitjeve në tapetin e kuq për premierën e filmit, raporton portali News.

Jones, ka shprehur ankesën e saj në Twitter duke shënuar: ‘It’s so funny how there are no designers wanting to help me with a premiere dress for movie’ (Është qesharake si nuk ka kreator që do të më ndihmojë me veshjen për premierën e filmit). Dhe vetëm as këtij publikimi kreatori Christian Siriano është përgjigjur me një ikonë përshëndetëse. 

më shumë...


Scarlet Johansson aktualisht aktorja më fitimprurëse në industrinë e filmit

29.06.16

Në kulmin e suksesit që Scarlet Johansson po gëzon me filmat ‘Captain America: Civil War’ dhe ‘The Jungle Book’,  ajo ka hyrë në top-listën e 10 aktorëve më të paguar të të gjitha kohërave, sipas llogaritjeve të bëra nga ‘Box Office Mojo’ raporton portal ‘TheWrap’.

Johansson, përveçse është e vetmja femër në këtë grup elite, filmat e saj kanë grumbulluar përfitime në shumë prej 3.3 miliardë $, brenda vendit gjatë tërë karrierës së saj.

Aktorja 31 vjeçare ecën rrugës së koleges nga filmi ‘Avengers’ Robert Downey Jr., i cili radhitet në Nr.5 në këtë listë, si edhe aktorëve tjerë të lartë si Tom Cruise, Morgan Freeman dhe Harrison Ford.

më shumë...


Owen Wilson do të luajë përkrah Julia Roberts

28.06.16

Aktori i njohur për zhanrin komedi Owen Wilson, është në bisedime për të luajtur në filmin ‘Wonder’ që do të realizohet nga shtëpia filmike Lionsgate, njofton portali HollywoodReporter.

Filmi ku do të luajë Wilson, tanimë në ekipin e vet ka edhe aktorin e ri Jacob Tremblay i cili bëri bujë me filmin që realizoi përkrah Brie Larson ‘Room’, ndërsa në filmin ‘Wonder’ ai do të luajë rolin e Auggie Pullman, sipas librit nga autori R.J Palacio.

Wilson do të luajë rolin e të atit të djaloshit Auggie, ndërsa në rolin e nënës është aktorja Jolia Roberts.

më shumë...


Freida Pinto dhe Idris Elba realizojnë filmin Guerrilla

28.06.16

Skenarist, regjisor dhe producent ekzekutiv i filmit ‘Guerilla’ ku do të luajnë Freida Pinto dhe Idris Elba do të jetë  John Ridley, i njohur për realizimin e tij që fitoi çmimin Oscar ‘12 Years a Slave’ njofton portali Variety.

Filmi do të jetë mini-serial me gjashtë pjesë nga zhanri dramë që zhvillohet rreth një çifti, Jas dhe Marcus, pasioni i të cilëve do t’i shtyjë ata të bëjnë ndryshime radikale, ka sqaruar transmetuesi Sky.

më shumë...


Simon Cowell do të transmetojë program të ri në kanalin ITV

27.06.16

Kompania ITV me udhëheqësin SImon Cowell, sot ka dhënë njoftimin se do të fillojnë me transmetimin e një programi të ri lidhur me rastet e vrasjeve të pa-zgjidhura, raporton portali Mirror.

Cowell ka filluar një bashkëpunim me ish-hetuesin e policisë Mark Williams-Thomas, i cili ishte personi kyç që ekspozoi dhunuesin serik Jimmy Saville.

Programi që pritet të realizojnë do të jetë me zhanër dramë-dokumentar i titulluar ‘The Investigator: A British Crime Story’ që do të ri-shqyrtojë rastin e mbyllur të Carole Packman, e cila u zhduk në vitin 1985 dhe nuk u gjet kurrë, ndërsa bashkëshorti i saj u dënua me burgim të përjetshëm në vitin 2004.

Cowell me këtë iniciativë do të sjellë ide të reja përpara ekraneve për t’i bërë hite meqë programet që ai menaxhon ‘The X Factor’ dhe ‘Britain’s Got Talent’ janë mëse një dekadë të vjetra.

më shumë...


Samuel Lee Jackson nderohet me çmim në ‘BET Awards’

27.06.16

Prezantuesi i ceremonisë BET Awards, Spike Lee, nuk ka kursyer lëvdata në fjalimin prezantues ku shpalli Samuel Lee Jackson fitues të çmimit ‘Lifetime Achievement Award’ njofton protali Eonline.

Çmimi për Arritjen Jetësore (Lifetime Achievement Award) këtë vit i takoi artistit 67 vjeçar, të njohur për rolet e tija të famshme në filmat Pulp Fiction, Django Unchained dhe Jurassic Park, ndërsa ky është një nga çmimet e shumta që Samuel ka fituar në karrierën e tij si aktor.

më shumë...


< Para 1 2 326 27 28566 567 568 Pas >