< Para 1 2 325 26 27599 600 601 Pas >

Një yll me emrin Pranvera - Foto

09.02.18

Nëse kohë më parë gjithësia na është dukur e pa arritshme, tani është ofruar më shumë se kurrë, falë teknologjisë, shkencëtarëve dhe talentëve të rinjë.

Një asteroid i gjithësisë është emëruar me emrin e kosovarës 21 vjeçare, Pranvera Hyseni nga Vushtrria, e cila është edhe themeluese e programit të parë astronomik në Kosovë.

Vet kjo protagoniste, ka mbetur pa fjalë që një planet i vogël, tani bartë emrin e saj.

E ftuar për një intervistë në Radio KFOR, tek moderatorja Vjosa Spahiu Gola, Pranvera shpalosi të gjitha sukseset e Klubit që ajo drejton, sfidat që ka profesioni i astronomisë, por edhe kënaqësinë që të ofron ushtrimi i këtij profesioni të veçantë.

 “Shkuarja ime në NASA do të mbetet një nga kujtimet më të bukura të jetës sime, meqenëse për këtë moment, kisha ëndërruar qysh në fëmijërinë time”, ka thënë mes tjerash Pranvera, e cila e entuziazmuar shpalosi emocionet e këtij takimi, në të cilin marrin pjesë vetëm shkencëtarët e autorizuar të NASA-s. 

më shumë...


Ermal Meta dhe Fabrizio Moro rikthehen në Sanremo

09.02.18

Ermal Meta dhe Fabrizio Moro rikthehen përsëri në festivalin Italian të Sanremos, pas një pezullimi që mediat italiane dyshuan për plagjiaturë.
Një gjë e tillë u hodh poshtë falë reagimit të zv.drejtorit të Rai Uno-s, Claudio Fasulo.

Dyshimet filluan në ngjajshmërinë e një pjesë të tekstit, të këngës pjesëmarrëse “Non mi avete fatto niente” (Nuk më keni bërë asgjë), me këngën “Silenzio” të Ambra Calvanit dhe Gabriele De Pascalit, që ishte prezantuar në edicionin e “Sanremo”-s për të rinjtë, në vitin 2016.
Pas kësaj përballjeje aspak të këndshme, e rëndësishme është që Ermal Meta dhe Fabrizio Moron do vazhdojnë të garojnë në festivalin e Sanremos.

më shumë...


Kinemaja ABC shfaq filma pa pagesë

08.02.18

Nga dita e sotme, (08.02.2018), kinemaja ABC, në Prishtinë, do të shfaq 14 filma kosovarë të mbështetur nga QKK (Qendra Kinematografike e Kosovës).

Kjo nismë erdhi si rezultat i nënshkrimit të Memorandum Bashkëpunimit në mes të Ministrisë së Kulturës, Qendrës Kinematografike të Kosovës dhe N.SH. "ABC GENCI".

Për 10 ditë rresht, do të shfaqen filmat kosovarë të cilët kanë pasur suksese të jashtëzakonshme ndërkombëtare, prej nominimit për çmimin OSCAR e deri te pjesëmarrja në festivalet e mëdha të filmave, siq janë festivalet e Karlovy Vary, Venedikut, Sarajevës, Varshavës, Tallinnit, Kairos, Montrealit, etj.

Për publikun filmat do të fillojnë të shfaqen nga dita e sotme (08 shkurt) në orën 16:00, me shfaqjen e filmave: “Shok” nga Jamie Donoughue, “Home” nga More Raça, “Ballkoni” nga Lendita Zeqiraj, “Si qeni n’rrush” nga Driton Hajredini dhe Yll Çitaku.
Në ditët në vijim do të shfaqen filma tjerë si: “Kolona” nga 
Ujkan Hysaj, “Daullet e Rezistencës” nga Mathieu Jouffre, "Me dasht” nga Ilir Hasanaj, “Trapped by Law” nga Sami Mustafa, “Home Sweet Home” nga Faton Bajraktari, “Tri Dritare dhe një Varje” nga Isa Qosja, “Martesa” nga Blerta Zeqiri, “T’padashtun” nga Edon Rizvanolli, “Eho” nga Dren Zherka dhe “Babai” nga Visar Morina.

Më poshtë lajmit mund të njiheni me orarin e plotë të shfaqjes së filmave në kinemanë ABC në Prishtinë:

më shumë...


Absolventët në UP publikojnë revistën ‘O’BOX’ - Foto

08.02.18

Studentët e vitit të tretë në departamentit e gazetarisë në Universitetin e Prishtinës, kanë publikuar revistën e tyre ‘O’Box”.

Me një seriozitet dhe dashurinë e studentëve për gazetarinë, pas një pune disa muajshe ata publikuan këtë revistë ku trajtohen tema të ndryshme. Revista përfshin tema politike, ekonomike, e deri te temat mbi kulturën e sportin, duke e bërë këtë revistë, një ofertë serioze për çdo lexues. 

Kryredaktori i kësaj reviste Elion Kollçaku, për Radio KFOR-in tha se ky projekt fillimisht nisi si pjesë e programit universitar dhe shtoi: 

“Realizimi i kësaj reviste, edhe pse në fillim ishte projekt obligativ në fakultet, më pas u bë punë e natyrshme ku studentët të përfshirë nga entuziazmi prej një gazetari, iu qasën me shumë seriozitet ”, theksoi Kollçaku. 

Ai po ashtu tregoi se kjo revistë do t’u ndihmojë atyre për të promovuar artikujt dhe punën e studentëve. 

më shumë...


112 në shërbim të qytetarëve 24/7

08.02.18

 

Sot, (08.02.2018) fillon shënimi i Ditës Evropiane i Numrit Emergjent 112. Në fakt kjo ditë shënohet më 11 shkurt, por që ngjarjet promovuese dhe njoftuese do të fillojnë të realizohen nga dita e sotme.
Promovimi fillon sot me komunën e Zveçanit, të banuar me shumicë serbe, për të vazhduar nesër me Prishtinën dhe Gjilanin.
Pjesëmarrës të këtyre aktiviteteve do të jenë përfaqësues të Policisë së Kosovës, Kryqit të Kuq të Kosovës, OJQ-ve, nxënës të shkollave fillore dhe të organizatave tjera që merren me çështjet emergjente si dhe qytetarët e rastit.

Ditën Evropiane të Numrit 112 do ta organizojë Agjencia e Menaxhimit Emergjent (AME) e cila vepron në kuadër të Ministrisë së Punëve të Brendshme me mbështetje nga Programi i Kombeve të Bashkuara për Zhvillim (UNDP) .

Se çka ofron numri 112, Agjencia e Menaxhimit Emergjent në faqen e saj zyrtare shpjegon:

më shumë...


Producenti McFarland ndjekë në Instagram piktorin Drilon Shoshi

07.02.18

Piktori i talentuar nga Kosova, Drilon Shoshi, shumë i njohur në Gjermani, ka nxitur kurreshtjen e shumë dashamirësve të pikturës kudo në botë.

Shoshi i cili dhe me pikturë merret për më shumë se 15 vite, ai së fundmi është ndjekur edhe nga producenti me famë botërore, Joey McFarland.

Joey është producent i filmave të njohur si “Friends With Kids“, “Out of the Furnace”, “The Wolf of Wall Street“,“Horns“,“Dumb and Dumber To“,“Daddy’s Home“ dhe “Papillon“ dhe ka marrë edhe disa çmime ndërkombëtare.

më shumë...


Eliza Hoxha me ekspozitë të re

07.02.18

Artistja Eliza Hoxha, e cila për opinionin e gjerë më shumë njihet si këngëtare, këtë të diel do të sjellë ekspozitën e saj personale të  emërtuar “Midis ëndrrës dhe realitetit”.


Kjo ekspozitë pritet të hapet këtë vikend, në Galerinë e Ministrisë së Kulturës.
 

Për art dashësit, kjo ekspozitë do të hapet më datën 11 shkurt, duke filluar nga ora 19:00.


Sot fillon edicioni i radhës “KultStrofa”

07.02.18

Sot, (07.02.2018) mbahet edicioni i dytë i konkursit të poezisë, “KultStrofa”.

Dhjetë finalistët e këtij edicioni, sonte do të lexojnë poezitë e tyre.

Duke filluar nga ora 18:00, në Hamam Bar, në Prishtinë adhuruesit e poezisë do të kenë mundësi të kënaqen me poezi dhe njëkohësisht të takohen me poetë të ndryshëm.


Strehimorja e parë për viktimat e dhunës në familje

07.02.18

Organizata ‘SAMS’ nga SHBA-të në bashkëpunim me KFOR-in Italian në Kosovë kanë dhuruar një donacion për të ndihmuar hapjen e një strehimore për gratë dhe fëmijët që janë viktima të dhunës në familje, në komunën e Novobërdës në Kosovë. Komandanti Amerikan i kontigjentit të këtij vendi në Kosovë, David Mason Junior, në një intervistë për Radio KFOR-in tha se organizata ‘SAMS’ në Kosovë në bashkëpunim me italianët kanë identifikuar se kush ka nevojë më së shumti për ndihmë dhe duke punuar me komunën e Novoberdës panë se ata kishin një shkollë që do ta shëndrronin në një strehimore për gratë dhe fëmijët që janë viktima të dhunës familjare.

 

më shumë...


Tenori Ramë Lahaj në Operën e Parisit

06.02.18

Tenori i njohur shqiptar, Ramë Lahaj, këto ditë po prezantohet me shfaqjen “La Traviata”, të Giuseppe Verdi-t,në regji të Benoit Jacquote dhe me dirigjent Dan EttingernëOperën Kombëtare të Parisit.

Ramë Lahaj në këtë shfaqje është prezantuar në rolin e Alfredos, ndërsa në përkrah ka artisten Marina Rebeka, e cila është paraqitur në rolin e Violetës.

Në bazë të faqes zyrtare të Operës Kombëtare të Parisit, premiera e kësaj shfaqje, është prezantuar më 2 datënshkurt.

më shumë...


< Para 1 2 325 26 27599 600 601 Pas >