< Para 1 2 322 23 24599 600 601 Pas >

Dita Ndërkombëtare e Gjuhës Amtare

21.02.18

Që nga viti 1999 kur UNESCO kishte shpallur 21 shkurtin ditë ndërkombëtare të gjuhës amtare, çdo vit në mbarë botën, organizohen manifestime, organizime në nivel kombëtar e ndërkombëtar, me qëllim të ruajtjes dhe promovimit të gjuhëve amtare.

Në vitin 2007 e njëjta ditë, është pranuar edhe nga Asambleja e Kombeve të Bashkuara.
Gjuha jonë shqipe ka një traditë të lashtë e të pasur, ndërsa ‘Formula e Pagëzimit’ (1462) e Imzot Pal Engjëllit, shënon fillimin e shkrimit shqip, por jo edhe të të folurit tonë e cila ka një lashtësi shumë më të largët.
Lidhur me rëndësinë e gjuhës sonë amtare dhe ruajtjen e saj,  për Radio KFOR-in foli mësuesja Nexhmije Krasniqi, mësimdhënëse e gjuhës shqipe, në Shkollën fillore dhe e mesme e ulët ''Don Bosko''.
“Gjuhës duhet t’i kushtohet rëndësi çdo ditë dhe jo vetëm në këtë ditë. Duke i kushtuar rëndësi të veçantë si në familje dhe në veçanti në shkolla, duke bërë përpjekje në vazhdimësi që të përfillen rregullat drejtshkrimore dhe ato të drejtshqiptimit të gjuhës shqipe. Ju e dini që rrjetet sociale tani janë bërë një modë komunikimi dhe mënyra se si flitet në këto rrjete sociale po e cungon në një far forme gjuhën shqipe. Prandaj unë thash dhe më herët se duhet t’i kushtohet rëndësi e veçantë asaj që quhet standard i gjuhës shqipe”, tha mësuesja Nexhmije.  

më shumë...


Së shpejti hapet qendra multifunksionale për të rinjtë në Prizren

21.02.18

Një grup të rinjësh nga Kosova dhe Diaspora kanë vendosur që të bëjnë diçka që do tu ndihmonte të rinjëve prizrenas të zhvillojnë aktivitete dhe projekte të ndryshme.

‘Shkolla e Diasporës në Kosovë’ e themeluar nga organizata ‘Germin’ ka krijuar këtë ide dhe kanë për qëllim të bashkojnë  të rinjët nga diaspora dhe Kosova për të punuar bashkë në organizime dhe projekte të ndryshme.
Ata për këtë ide u ndihmuan nga progami ‘Youth, Employement and Skills’ – nga organizata gjermane ‘GIZ’ në Kosovë.  Lokacioni për këtë qendër të të rinjëve në Prizren do të jetë kinemaja historike e qytetit ‘Lumbardhi’.
Projekti është në fazën finale të përfundimit dhe kjo qendër do të ketë paisje moderne, ku të rinjët do të kenë mundësinë të zhvillojnë aktivitete të ndryshme dhe të zgjerojnë kreativitetin e tyre si dhe për të takuar të rinjë për bashkëpunime në mes tyre. 

më shumë...


Skitari Alban Tahiri vazhdon garën në Lojërat Olimpike

21.02.18

Skitari nga Kosova Alban Tahiri i cili po përfaqëson Kosovën në lojërat olimpike dimërore ‘PyeongChang’ në Korenë e Jugut, ka vazhduar garat në skijim. Ai këtë të enjte do të garojë në disiplinën e sllallomit që do të zhvillohen në qendrën skitare ‘YongPyong’.

Gjatë pjesëmarrjes së tij në lojërat olimpike Tahiri ka arritur që të përfundoj të gjitha garat ndërkaq, në garën e parë të mbajtur në disiplinën ‘kombinim alpin’ ai ka zënë vendin e 37-të nga gjithësej 65 garues.

 

më shumë...


Alban Muja dhe Nora Weller, pjesë të “Art by Political Means” në Londër

21.02.18

Këtë të premte, më 23 shkurt, Ambasada e Kosovës në Londër organizon diskutimin “Art by Political Means”. E pjesë e këtij diskutimi do të jenë Alban Muja dhe Nora Weller.

“Jemi të nderuar që të kemi dy njerëz të jashtëzakonshëm që bisedojnë rreth artit. Nora Weller, një studiuese ligjore për mbrojtjen e trashëgimisë kulturore, do të drejtojë një bisedë me artistin e njohur kosovar, Alban Muja, për veprat e tij më të fundit dhe ekspozitat e tij në mbarë botën gjatë vitit të kaluar”, thuhet në njoftim të ambasadës.

më shumë...


Aktorja e famshme gjermane, protagoniste në filmin e Visar Morinës

20.02.18

Fituesja e “Ariut të argjendtë” në Berlinale, Sandra Hüller e njohur me filmin “Toni Erdman”, do të luaj rolin kryesor në filmin “Exil” me skenar të regjisorit kosovar Visar Morina, i njohur për filmin “Babai”.

Producenti Jonas Dornbach ka treguar se xhirimet do të fillojnë në vjeshtë të këtij viti, në Ëestphalia të Gjermanisë dhe filmi “Exil”, do të jetë një ribashkim për aktoren Sandra Hüller dhe producentin Jonas Dornbach, i cili ishte edhe producent në filmin “Toni Erdmann”.
Filmi “Exil” është fitues i çmimit “Golden Lola”, për skenarin më të mirë.

Këtë çmim regjisori kosovar Visar Morina, e pranoi nga ministrja gjermane e Ministrisë së Kulturës, Monika Grütters.

më shumë...


Chris Brown uron publikisht Rihannën për ditëlindje - Foto

20.02.18

Superdiva e muzikës amerikane, Rihanna, sot feston ditëlindjen e saj të 30-të.
Ishin të shumta urimet në rrjetet sociale që iu bënë superyllit botërorë nga fansat e saj të shumtë nga e gjithë bota, por edhe nga kolegët e saj këngëtarë.

Lajmi qëndron tek urimi i veçantë që ish i dashuri i saj Chris Brown i bëri këngëtares, në këtë ditë speciale për të.

Në Instagram-in e tij zyrtar, Chris publikoi një fotografi të Rihannës kur ishte e vogël, sipër së cilës shkroi: Urime Ditelindja.

më shumë...


Visar Morina nderohet në Berlin

20.02.18

Regjisori Visar Morina fitoi çmimin për skenarin më të mirë për punën e tij në filmin ‘Exil’. Ai ka fituar çmimin ‘German Screenplay Award’, për punën e tij në një pritje të organizuar në edicionin e 68-të të festivalit prestigjioz të filmit ‘Berlinale’.

Në mesin e shumë të ftuarve në këtë ngjarje Ministrja Gjermane e Kulturës, Monika Grütters, ka nderuar të riun Kosovar më këtë çmim.

Filmi në fjalë trajton ngjarjen e një burri i cili ndjen frikën se kolegët e tij po mundohen ta largojnë nga puna.
Ky film trajton një temë të rëndësisë globale të njohur si ‘bulling’ (Ngacmim) apo tendenca për të kontrolluar një person duke kërcënuar, fyer dhe ngacmuar psiqikisht. 

më shumë...


Krimi kibernetik - dy kosovarë të përfshirë

20.02.18

Departamenti Amerikan i drejtësisë së fundmi ka ngritur aktakuza për 36 persona të përfshirë në krim kibernetik. Rrjeti i mashtrimeve në internet përfshinte të rinj nga e gjithë bota të cilët mashtronin nëpërmes internetit duke vjedhur identitete, blerjen dhe shitjen e numrave të sigurimeve shoqërore duke krijuar  530 milionë dollarë humbje për bizneset , konsumatorët dhe  institucionet financiare.

Ky grup i krimit kibernetik punonin nën moton “Në mashtrim ne besojmë”. Pjesëtarët e këtij grupi krriminal punonin pa e treguar identitetin e tyre me nofka dhe bashkëpunonin me njëri-tjetrin pa u takuar asnjëherë.
Pjestarë të këtij rrjeti mashtrues ishin edhe dy të rinjë nga Kosova.

Zëdhënësi për informim i Policisë së Kosovës, Daut Hoxha, për Radio KFOR-in tha se ata kanë ndërmarrë hapat e nevojshëm për ndërhyrje në këtë rast në bashkëpunim me organet e drejtësisë amerikane:  

Sektori për krime kibernetike në bashkëpunim dhe koordinim me autoritetet kompetente ka ndermarr veprime të nevojshme sipas autorizimeve dhe ka realizuar kontroll në dy lokacione me ç ‘rast janë konfiskuar, dy vetura, kompjuterë Laptop, shtëpiza kompjuteri, telefona celular, USB, foto aparat si dhe dokumente të ndryshme”, shtoi Daut Hoxha. 

më shumë...


Sot është Dita Ndërkombëtare e Drejtësisë Sociale

20.02.18

Asambleja e Përgjithshme e Organizatës së Kombeve të Bashkuara, që nga viti 2009, 20 shkurtin e shënon si Ditë Botërore të Drejtësisë Sociale.
Avancimi i drejtësisë sociale duke hequr barrierat me të cilat ballafaqohen njerëzit për shkak të gjinisë, moshës, racës, etnisë, fesë, kulturës apo aftësisë së kufizuar është qëllimi i organizimit të kësaj dite. Për ta shënuar këtë ditë, çdo vit vendoset edhe tema diskutuese. Tema kryesore e vitit të kaluar ishte "Parandalimi i konfliktit dhe ruajtja e paqes përmes punës së denjë", kurse gjatë këtij viti tema kryesore është “Punëtorët në lëvizje: kërkimi për drejtësi sociale”.
Respektimi i Ditës Botërore të Drejtësisë Sociale duhet të mbështesë përpjekjet e bashkësisë ndërkombëtare në çrrënjosjen e varfërisë, promovimin e punësimit të plotë dhe të punës së denjë, barazisë gjinore dhe qasjes në mirëqenien sociale dhe drejtësinë për të gjithë.

Misioni kryesor i OKB-së për ruajtjen e paqes dhe sigurisë ndërkombëtare u ripohua fuqishëm edhe nga Sekretari i Përgjithshëm i ri, António Guterres, në ditën e tij të parë në detyrë,  duke u zotuar të bëjë vitin 2017 një vit të paqes. 

më shumë...


Aktorët kosovarë tani në Berlinale

20.02.18

Aktorja e mirënjohur, Arbresha Grabovci Nixha, vëllezërit Andi e Florist Bajgora si dhe regjisorja holandeze e filmit, “Kiem Holijanda”, Sarah Veltmeyer ishin të pranishëm të dielën në Festivalin e filmit që po mbahet në Berlin, ‘Berlinale’.
Me këtë film, treshja nga Kosova u është bashkuar yjeve të filmit që kanë parakaluar në edicionin e 68-të të festivalit të filmit në Berlin, si Robert Pattinson, Bill Murray, Tilda Swinton e të tjerë.
Në këtë festival prestigjioz, filmi i produksionit holandez, me kastë aktorësh nga Kosova, është shfaqur në kuadër të programit ‘Generation 14plus’.

Nga vendi i ngjarjes, në një prononcim për Radio KFOR-in, Arbnesha ndau emocionet e saja të para përkitazi me emocionet që kanë përjetuar si ekip në këtë festival të rëndësishëm të filmit.
“Mbeta pa koment, çdo gjë ishte e organizuar në mënyrën më të mirë të mundshme, të gjitha biletat për të parë filmin tonë ishin shitur, jam shumë e lumtur për këtë arritje”, ka thënë mes tjerash aktorja, Garbovci Nixha.
Ajo, po ashtu shtoi se për të nuk ka fare rëndësi nëse filmi përkatës, me të cilin tashmë janë paraqitur në Berlinale, do të rrëmbejë ndonjë çmim, meqenëse, siç thekson ajo, e ka përmbushur vëmendja e madhe që i është bërë nga publiku atje.

më shumë...


< Para 1 2 322 23 24599 600 601 Pas >