< Para 1 2 320 21 22274 275 276 Pas >

Prishtina së shpejti me Sallë Koncertale

11.05.18

Tashmë është kompletuar edhe Technical Assesment Team (TAT), e me këtë, po hedhen edhe hapat e parë drejt ndërtimit të Sallës Koncertale në Prishtinë.
Technical Assessment Team, është grupi i cili përpilon termat e referencës, përkatësisht detyrën projektuese për konkursin ndërkombëtar për dizajn të sallës.

Drejtori i Drejtorisë së Kulturës në komunën e Prishtinës, Yll Rugova,  në një intervistë për Radio KFOR-in, tha se ky ekip do të realizoj diskutime me komunitetin dhe palët e interesuara, e më pas do të vlerësoj dhe vendos disa korniza për projektin.

më shumë...


Mundësi për të studiuar në Amerikë

11.05.18

‘Qendra për Zhvillim të Karrierës’ në bashkëpunim me ‘Kosovo American Education Fund’ (KAEF) në Prishtinë, kanë organizuar një ligjëratë të hapur me temën: ‘Programi i bursave të masterit’, për mundësinë e absolventëve nga Universiteti i Prishtinës ‘Hasan Prishtina’, për të vazhduar studimet postdiplomike në Amerikë.
Përfaqësuesi i KAEF-it për Kosovë, Gjeni Shporta në një intervistë për Radio KFOR-in tregoi më shumë për këtë mundësi: "Fondi Kosovaro Amerikan i Edukimit (KAEF) është një fond i vazhdueshëm i edukimit, dedikuar të kontribuoj në zhvillimin ekonomik afatgjatë të Kosovës përmes edukimit. KAEF-i ofron bursa të plota të nivelit master për kosovarët, për t’u shkolluar në universitetet e përzgjedhura amerikane. Prej vitit 2005 deri më sot, KAEF-i ka ndarë mbi 96 bursa të nivelit master, duke u bazuar në një proces konkurrues dhe meritor " theksoi Shporta Kjo ngjarje do të zhvillohet më 16 Maj, 2018 nga ora 11:00 në Bibliotekën Kombëtare të Kosovës ‘Pjetër Bogdani’.

më shumë...


Albulena Jashari promovon këngën re në Radio KFOR

11.05.18

Karrierën solistike Albulena Jashari, e ka filluar që nga fëmijëria dhe një nga paraqitjet e para të saj në skenë ishte në  emisionin televiziv Talent Show "Ethet e së Premtës Mbrëma", ku arriti deri ne finale dhe fitoi vendin e dytë.
E ftuar te moderatorja Pranvera Behrami, në emisionin e mëngjesit në ‘Radio KFOR’ , Jashari tha se ka zgjedhur pikërisht Radio KFOR-in, për të promovuar këngën e saj më të re të titulluar ‘Shiu’ ,  që u transmetua për herë të parë për dëgjuesit, për shkak që ajo e dëgjon vazhdimisht radion tonë dhe dëshira e saj ishte që promovimi të bëhej pikërisht në Radio KFOR.
Ajo foli për shumë llojshmërinë e zhanreve që këndon dhe për mundësinë e publikimit të një albumi: “Unë kam eksperimentuar shumë në zhanre dhe për shkak të kësaj nuk e kam parë të arsyeshme të bëj një album me zhanre të ndryshme sepse mua më pëlqen të sfidoj veten. Në të ardhmen mendoj ta publikoj një album, ndërsa për muzikë jam inspiruar nga motra dhe vëllau”, tha Jashari. 

më shumë...


Më 15 maj hapet ekspozita “Baballarët e Kosovës”

10.05.18

 

Data 15 maj është zgjedhur të jetë ‘Dita Ndërkombëtare e Familjes’.
Kjo ditë do të shënohet edhe në Kosovë, madje me një aktivitet të veçantë për të cilin kanë bashkuar forcat disa organizata vendore e ndërkombëtare.

Më 15 maj nga ora 12:00 deri 15:00, Biblioteka Kombëtare e Kosovës “Pjetër Bogdani”, do të jetë nikoqire e ekspozitës “Baballarët e Kosovës”.
Kjo ekspozitë ka për qëllim të shfaq realitetin e baballarëve aktivë kosovarë me fëmijët e tyre dhe organizohet nga ‘Peer Educators Network’ (PEN), ndërsa është iniciativë që implementohet nga Rrjeti i Edukatorëve Bashkëmoshatarë (PEN).

më shumë...


Përfunduan me sukses garat e robotikës në Kosovë

10.05.18

Fëmijë, të rinj, mësimdhënës e trajner nga komunitete të ndryshme që jetojnë në Kosovë,janë bërë bashkë për të vënë në praktikë njohuritë dhe kreativitetin e tyre përmes garës më të madhe të robotikës në Kosovë ”Kosovo Makers League”, organizuar dhe udhëhequr nga Fondacioni ‘BoneVet”.

Krahas promovimit të vazhdueshëm që Radio KFOR-i bën karshi ngjarjeve dhe individëve të cilët përçojn vlera edukative në shoqërinë tonë, si në rastin e garës përkatëse të robotikës, të cilën në vazhdimësi e ka promovuar ekipi ynë, i cili ishte edhe i pranishëm gjatë realizimit të këtyre garave, sa edukuese aq kreative. 

më shumë...


Diskutim për sigurinë në punë dhe ligjin e lehonisë

10.05.18

‘Oda e Afarizmit të Kosovës’, në bashkëpunim me ‘Inspektoratin e Punës’, sot në ambientet e këtij institucioni do të organizojnë një sesion informues për bizneset anëtare ku do të njoftohen nga kryeinspektori i ‘Inspektoratit të Punës’ për sigurinë në punë Basri Ibrahimi, i cili do të jep informacione e këshilla teknike punëdhënësve dhe punëmarrësve për zbatimin e Legjislacionit të punës.
Ndërkaq, nesër nga ora 10:00 do të diskutohet për ‘Ligjin e Lehonisë’ në Kosovë. Në këtë ngjarje të ftuar në panel do të jenë Drita Rexhepi ‐Avokate dhe Gëzime Rexhepi Çollaku nga Institucioni parashkollor ‘BARDHA’.

më shumë...


Divat bëhen bashkë

10.05.18

Këngëtaret e famshme botërore me origjinë shqiptare Rita Ora dhe Bebe Rexha, tashmë na kanë treguar se përveç gjuhës, ato i lidh edhe një miqësi e mirë dhe padyshim profesioni që kanë.
Të gjithë fansat e tyre të shumtë gjithandej globit, do të kenë rastin që këtë të premte të shijojnë këngën e tyre të përbashkët.

“Girls” titullohet kënga e re, e cila përveç dyshes shqiptare ka bashkuar edhe këngëtaret Cardi B e Charli XCX.

më shumë...


Hapet konkurs pune në ‘PriFest’

10.05.18

Për tu realizuar ashtu siç duhet edicioni i 10-të i Festivalit të Filmit ‘PriFest’, i cili do të mbahet në muajin korrik, bëhet ftesë për të interesuarit të cilët dëshirojnë t’i bashkëngjiten këtij festivali.

Në një publikim të ‘PriFest’, thuhet se për tu bërë pjesë e tij të interesuarit duhet të jenë energjik, kreativ, punëtor, të kenë njohuri të mira të gjuhës angleze apo ndonjë gjuhë tjetër dhe të shkruajnë pa gabime në gjuhën shqipe.

më shumë...


Dramaturgu Jeton Neziraj - “Evropiani i Vitit” 2018

10.05.18

Dita e Evropës, në Kosovë është ditë feste, e me ketë rast shënohen dhe organizohen aktivitete të shumta. Për ta shënuar këtë ditë, Zyra e Bashkimit Evropian në Kosovë, ndau çmimin  “Evropiani i Vitit” për 2018,  të cilin e fitoi dramaturgu, Jeton Neziraj.
 

Para tre vitesh këtë çmim e fitoi ikona e xhudos në Kosovë dhe Botë, Majlinda Kelmendi dhe pikërisht ishte ajo që ia dhuroi çmimin Jeton Nezirajt.

më shumë...


67 projekte filmike në garë për per 1 milion euro

10.05.18

Në konkursin e Qendrës Kinematografike të Kosovës (QKK) për vitin 2018, afati i të cilit është mbyllur më  4 maj, kanë aplikuar 67 projekte filmike në kategori të ndryshme.

17 prej tyre kanë aplikuar për film të metrazhit të gjatë artistik, 9 projekte për dokumentar të gjatë, për film të metrazhit të gjatë artistik – koproduksion minor kanë aplikuar 6 projekte filmike, të metrazhit të gjatë artistik – debutant 5 projekte, për film të metrazhit të shkurtër artistik 17 projekte dhe në atë të shkurtë të animuar kanë aplikuar 4 projekte.

më shumë...


< Para 1 2 320 21 22274 275 276 Pas >