< Para 1 2 320 21 22599 600 601 Pas >

Apel për kujdes në rrugë nga Policia e Kosovës

27.02.18

Pas reshjeve të borës dhe rënies së dukshme të temperaturave që janë duke mbretëruar në Kosovë, Policia e Kosovës bënë thirrje për kujdes të shtuar gjatë përfshirjes në komunikacion.

Referuar në informacionet e Policisë së Kosovës gjatë 24 orëve të fundit, janë regjistruar 49 aksidente në trafik, prej këtyre aksidenteve 14 persona janë me lëndime trupore, ndërsa janë shënuar 35 dëme materiale.

“Fatbardhësisht gjatë kësaj periudhe nuk kemi të shënuar ndonjë aksident me fatalitet”, tha për Radio KFOR-in, zëdhënësi i Policisë së Kosovës, Daut Hoxha.

Më tutje ai shtoi: “Ne si Polici e Kosovës, me njësitet tona, në vazhdimësi  monitorojmë dhe menaxhojmë situatën në trafikun rrugor nëpër të gjitha rrugët e vendit dhe natyrisht aty ku pjesëmarrësit bien ndesh me rregullat në trafik, masa ndëshkuese ligjore do të aplikohen në vazhdimësi.”

më shumë...


Mashkulli më i bukur - Lirim Ramosaj - Foto

26.02.18

Edhe një shqiptar tjetër në qendër të vëmendjes. Tani bëhet fjalë për Lirim Ramosaj, i cili më 24 shkurt u shpall si mashkulli më i bukur në spektaklin “Miss & Mister Suisse Romande 2018”.

Në teatrin “De Beaulieu” në Lozanë të Zvicrës, sfiluan 11 djem garues, ku me këtë rast vendin e parë e zuri djaloshi nga Carrabregu i Deçanit.

23 vjeçari që prej vitesh jeton në pjesën e Romande-së, regjionin frëngjisht-folës të Zvicrës Perëndimore, ka vite që merret me reklama dhe sfilata.
Pas fitores, Lirimi ka postuar edhe një foto në profilin e tij në Instagram, së bashku me mesazhin:

më shumë...


Filmi ‘Martesa’ me premierë edhe në Amsterdam

26.02.18

Filmi ‘Martesa’ me regji të Blerta Zeqirit këtë herë do të jetë pjesëmarrës në festivalin ‘Roze Filmdagen’, që do të mbahet në Amsterdam të Holandës.

Filmi ‘Martesa’ që po bën gjiro nëpër kinematë botërore dhe vendore, këtë radhë do të shfaqet në këtë festival  më 10 Mars dhe më 16 Mars të këtij viti.

Ky festival do të mbahet nga data 8 deri më 18 Mars, ndërkaq përgjatë kësaj kohe do të shfaqen edhe rreth 125 filma në edicionin e 21-të të këtij festivali. 

më shumë...


Marigona Bekteshi me shfaqje në Belgjikë

26.02.18

Shfaqja “Sundimi i Gruas”, me regji të Marigona Bekteshit, do të shfaqet në edicionin e 35-të, të Festivalit Ndërkombëtar të Teatrove “RITU”, në Liege të Belgjikës, i cili nis sot (26.20.2018) dhe zgjatë deri më 4 mars.

Në këtë komedi të pazakontë, një grua e moshës së mesme, tani e martuar me burrin e saj të dytë, përjeton kthimin e papritur nga burgu të burrit të saj të parë, i cili gjatë gjithë kohës, ishte mbajtur i izoluar padrejtësisht.
Pasi që nuk ka ku të shkojë, tashmë i kthyeri nga burgu fillon të jetojë në banesën e tij me ish-gruas dhe bashkëshortin e saj.
Kjo bëhet e papërballueshme për gruan, ndërsa burrat bëhen edhe miq. Natyrisht, kjo situatë çon në të gjitha llojet e konflikteve, gjyqeve dhe vuajtjeve të ndryshme.

më shumë...


ORCA vazhdon kampanjën e dhurimit të librave

26.02.18

Duke parë mungesën e librave në bibliotekat e fakultetit dhe konvikteve, Organizata për Rritjen e Cilësisë në Arsim (ORCA), ka organizuar një kompanjë për mbledhjen e librave. 
Grumbullimi i librave ka filluar më 15 shkurt dhe do të zgjasë deri me 1 mars 2018.

Duke parë mungesën e librave dhe ballafaqimin e studentëve me këtë problematikë, kjo organizatë ka vendosur që të grumbullojë dhe të dhurojë dhjetra libra për pasurimin e bibliotekës së konvikteve.

më shumë...


Dua Lipa më 10 Gusht vjen në Prishtinë

23.02.18

Pas triumfit në “Brit Awards”, ku rrëmbeu 2 çmime të rëndësishme, si “Artistja më e mirë femër” dhe “Artistja depërtuese në Britaninë e Madhe “(Best British Breakthrough), këngëtarja e famshme me origjinë kosovare, Dua Lipa, do të vjen në Kosovë.
 

Këtë lajm, Dua Lipa e ka konfirmuar përmes kalendarit të saj të aktiviteteve dhe ngjarjeve që do ti realizoj gjatë këtij viti.

më shumë...


Gazeta e parë në shqip feston 170 vjetorin e botimit

23.02.18

Gazeta e parë e njohur në gjuhën shqipe është botuar për herë të parë në Itali dhe është quajtur “L’Albanese d’Italia’ (Shqiptari i Italisë).
Botimi i parë i kësaj gazete u themelua nga shkrimtari i shquar Jeronim de Rada, më 23 Shkurt të vitit 1848 në Itali. Kjo gazetë ishte e shkruar pjesërisht në gjuhën italiane dhe në gjuhën arbëreshe.

Ndërkaq, në korrik të vitit 1883, u botua revista e parë mujore tërsisht në shqip ‘Flamuri i Arbërit’, po ashtu nga Jeronim de Rada, në Cosenza të Italisë, që trajtonte tema politike, kulturore dhe letrare të asaj kohe. 

më shumë...


Kosova e para në botë me “Patentë-shofer mobil”

23.02.18

Ministria e Punëve të Brendshme, përmes Agjencisë për Regjistrim Civil, e mbështetur nga kompania gjermane “Veridos GmbH – Identity Solutions by Giesecke+Devrient and Bundesdruckerei”, ka lansuar sot projektin “Patentë-shoferi mobil”.
Në ceremoninë e lansimit morrën pjesë, ministri i Punëve të Brendshme, Flamur Sefaj, shefi i operacioneve i kompanisë Verdios, Hermann Sterzinger si dhe zyrtarë të lartë vendor dhe ndërkombëtarë.
Kosova është vendi i parë në botë që do të ketë këtë aplikacion për patentë-shoferë, i cili do të jetë në dispozicion për të gjithë qytetarët që kanë patentë-shoferë, i cili mund të lexohet nga telefoni mobil.

Ministri i brendshëm, Flamur Sefaj, tha se ky është inovacioni më i ri dhe i pari në botë.

më shumë...


Ilir Tafa me një sukses tjeter të rëndësishëm

23.02.18

Aktori i mirënjohur kosovar, Ilir Tafa, i cili tashmë është bërë emër i njohur edhe në kinematografinë botërore, tani do të jetë protagonist edhe në serialin “Konak kod Hilmije”, xhirimet e të cilit do të nisin të hënën që vjen.

Në rolet kryesore, krahas Ilir Tafës, do të paraqiten edhe aktorët: Emir Hadzihafizbegovic nga Sarajeva e Tarik Filipovic nga Zagrebi.

Në këtë projekt televiziv, do të merr pjesë edhe këngëtarja e njohur boshnjake, Fahreta Zivojinovic, e njohur mes nesh, si Lepa Brena.
Fjala është për një projekt humoristik, i cili do të jetë një nga realizimet më të veçanta të produksionit të mirënjohur “FIST”, me skenar të Fedja Isovic dhe nën regjinë e Elmir Jukic.

Në një prononcim për radio KFOR-in, aktori Ilir Tafa është shprehur i entuziazmuar për rolin e ri, duke thënë se ky do të jetë një rol sfidues për të.

më shumë...


Konkurs për artistët në Kosovë

23.02.18

‘Stacion’- Qendra e Artit Bashkëkohor në Prishtinë në bashkëpunim me ‘University of the Arts London’ (UAL), po ofron një mundësi për dy artistë ose grup artistësh që të krijojnë një vepër arti në në kuadër të temës të projektit hulumtues që ka për qëllim të ndihmojnë  shoqëritë e dala nga zona e konflikteve.
Natyra e veprave është tërësisht e hapur dhe mund të ketë çfarëdo lloj forme, përfshirë skulpturën, filmin, performancin, artet e bukura dhe fotografinë.
Themeluesi i Qendrës së Artit Bashkëkohor në Kosovë Albert Heta, për Radio KFOR-in tha se ky konkurs fton artëdashësit në Kosovë:

Konkursi mbështet artistë që punojnë në Kosovë me projekte artistike që bazohen në punën me komunitet dhe tregojnë rëndësinë e artit dhe kulturës në shoqëritë që ndodhen në një kohë tranzicioni”, tha Albert Heta.

Ai më tej shtoi, se këto vepra do të shfaqen në disa vende dhe procesi po zhvillohet shumë mirë:
Veprat do të shfaqen në një ekspozitë në Sarajevë dhe në Londër gjithashtu do të bëhen pjesë e programit tonë vjetor  të ekspozitave.
Procesi deri tash ka shkuar shumë mirë, është zgjedhë një juri e cila do të vlerësoj aplikacionet”, shtoi Heta. 

më shumë...


< Para 1 2 320 21 22599 600 601 Pas >