< Para 1 2 319 20 21599 600 601 Pas >

Dita Botërore e Mbrojtjes Civile

01.03.18

Sot (01.03.2018) shënohet Dita Botërore e Mbrojtjes Civile, e cila u krijua me vendim të Asamblesë së Përgjithshme të Organizatës Ndërkombëtare të Mbrojtjes Civile (ICDO), në vitin 1990.

Kjo ditë përkujton hyrjen në fuqi të Kushtetutës së ICDO-së si një organizatë ndërqeveritare, në vitin 1972.
Qëllimi kryesor i shënimit të kësaj dite është që të sjellë në vëmendjen e publikut botëror rëndësinë jetike të mbrojtjes civile, rritjen e ndërgjegjësimit për masat e gatishmërisë, parandalimin dhe vetë-mbrojtjen në rast aksidentesh ose fatkeqësish si dhe atë të nderimit të përpjekjeve, sakrificave dhe arritjeve të të gjitha shërbimeve kombëtare përgjegjëse për luftën kundër fatkeqësive.

më shumë...


Koncert i madh në Gjakovë

01.03.18

Koncerti i madh me perlat shkodrane do të mbahet sot (01.03.2018), në pallatin e Kultures “Asim Vokshi”, në Gjakovë.

Mysafirët e këtij koncerti të madh janë: Shkelzen Jetishi- Xeni, Kastriot Tusha, Mirush Kabashi si dhe këngëtarë të mirënjohur nga Shkodra: Shyqiri Alushi, Rosela Gjylbegu dhe Bujar Qamili.


Ky koncert do të jetë nën udhëheqjen artistike të Vëllaznim Buxhovit.

më shumë...


Driton Hajredini me ekspozitën e 5-të personale

28.02.18

Për adhuruesit e pikturës në Galerinë "Monet Art and Books”, në Prishtinë më datën 5 mars, në ora 19:00, do të hapet ekspozita e re personale me titull “Should i stay or should i go”, e piktorit kosovar me renome ndërkombëtare, Driton Hajredini.
Kjo ekspozitë është vazhdimësi e ciklit të ekspozitës së njohur “Beautiful Travellers”, e cila është prezantuar në shumë shtete të botës.

Në serinë e tij të njohur të valixheve, të cilën Driton Hajredini e kishte filluar para se t`i kushtohej artit konceptual, lë anash humorin metanarrativ dhe i kthehet konceptit në të cilin ai paraqitet me pikturim klasik realist.

më shumë...


Renée Karameti një Anna Wintour e ardhshme

28.02.18

Stilistja e re shqiptare, Renée Karameti, e cila që në moshën 14 vjeçare jeton dhe vepron në Paris të Francës, tashmë është bërë emër i njohur në industrinë e modës.

Ajo, krijon imazhe për editoriale revistash të njohura franceze, drejton foto sesione nga pikëpamja artistike, përmes bashkëpunimeve me ekipet më të njohura të fotografëve, grimerëve dhe modeleve të njohura, që punojnë me revista prestigjioze, si Vogue Italia, L’Officiel, Madame Figaro dhe me marka si Armani, Maison Margiela, Pandora, Italia Independent, dhe me agjensi si ‘’MP management’’, ‘’Mademoiselle’’, etj.
Renée punon me fotografë nga Parisi por edhe nga New York-u, Londra, Kina dhe Indonezia. Ndër markat me të cilat Renée bashkëpunon janë : Carlo Maria Pelagallo  (E preferuara e Alicia Keys), Enami nga Vogue, Lisca, Maco Calderon, Louboutin, Anna Annomalia dhe shumë të tjera.
Ndërkaq së shpejti ajo do të ketë një bashkëpunim me markën Paule Ka dhe me stilistin e mirënjohur Amerikan, Dominic Louis.
Stilistja shqiptare ka ambicje që një ditë të arrij famën e gruas më të fuqishme në media, sikurse Anna Wintour dhe të bëhet redaktore e revistës amerikane ‘’ Vogue’’.

më shumë...


Sërish shtyhet mësimi

28.02.18

Për shkak të motit të ftohtë edhe për dy ditë të tjera vazhdon ndërprerja e mësimit.

Pas mbledhjes së raporteve për gjendjen e krijuar nga temperaturat e ftohta nëpër komuna dhe në konsultim me Drejtoritë Komunale të Arsimit, si dhe duke pasur parasysh të dhënat që dalin nga Instituti Hidro-Meteorologjik i Kosovës,  Ministri i Arsimit, Shkencës dhe Teknologjisë, Shyqiri Bytyqi ka marrë vendim që të vazhdohet ndërprerja e mësimit në të gjitha institucionet e arsimit parauniversitar edhe më datën 1 mars 2018 (e enjte) dhe 2 mars 2018 (e premte).

më shumë...


Organizata ‘Toka’ me aktivitete për të rinjë

28.02.18

Organizata ‘Toka’ është një organizatë që ka për qëllim të ofroj programe inovative dhe kreative për të rinjë në Kosovë.

Kjo organizatë ka filluar punën në vitin 2015 dhe deri më tani ka pasur më shumë se 8.000 pjesëmarrës dhe më shumë se 10.000 orë punë vullnetare nga të rinjët.

Organizata ‘TOKA’ ofron programe aktive dhe pjesëmarrëse për të rinjtë, duke përfshirë: programet e frymëzuara nga natyra për të zbuluar mjedisin duke bashkëvepruar me ujë, tokë dhe kafshë të egra, programet për punime artizanale, gjëra nga druri, metali dhe pëlhura.
Po ashtu kjo organizatë, ofron programet kreative përmes formave të ndryshme të artit, letërsisë dhe muzikës.
Një tjetër mision i kësaj organizatë është vullnetarizmi edukativ rinor në komunitet që kanë për qëllim stimulimin dhe inkurajimin e të rinjve që t’i shërbejnë komunitetit.

Koordinatorja për komunikim dhe projekte në këtë organizatë Mjellma Doli, për Radio KFOR-in tregoi për qëllimet e kësaj organizate: 

më shumë...


Njoftim nga Ministria e Arsimit, Shkencës dhe Teknologjisë

28.02.18

Ministri i Arsimit, Shkencës dhe Teknologjisë, Shyqiri Bytyqi ka marrë vendim që sot, (e mërkurë), 28 shkurt 2018 të mos mbahet mësim në të gjitha shkollat fillore dhe të mesme në Kosovë. Këtë vendim, ministri Bytyqi e ka marrë për shkak të motit të lig që po mbretëron këto ditë në Kosovë dhe paralajmërimit për temperatura të ulëta gjatë ditës së sotme. 

 

më shumë...


Edhe Kosova shënon ditën botërore të OJQ-ve

27.02.18

Dita Botërore e Organizatave Joqeveritare është një ditë kalendarike ndërkombëtare, e shënuar çdo vit më datën 27 shkurt.
Zyrtarisht kjo datë është e njohur dhe e deklaruar nga 12 vendet anëtare të Forumit të IX të OJQ-ve të Detit Baltik të Këshillit të Shteteve të Detit Baltik në vitin 2010, dhe për herë të parë është shënuar nga OKB, Udhëheqësit e BE-së dhe organizatat ndërkombëtare në vitin 2014 , të organizuar nga Ministria e Punëve të Jashtme të Finlandës.
Vendosmëria e tij për të sjellë një të ardhme më të mirë për të gjithë, dhe pasioni i tij për gjetjen e zgjidhjeve të reja për problemet e zhvillimit global, e detyroi atë të krijonte  Ditën e OJQ-ve botërore , një ditë, e cila tashmë njihet nga e tërë bota.
Jehona e saj ndërkombëtare është rritur ndjeshëm gjatë viteve, kështu që sot ajo festohet në të gjithë globin.
Edhe Kosova shënon këtë ditë të rëndësishme për Organizatat Joqeveritare, megjithë sfidat dhe vështirësitë në funksionimin e mirëfilltë të tyre.

Landër Islami, bashkë themelues dhe udhëheqës i Organizatës Joqeveritare “Prosperity Initiative in Kosovo” (PIKS), e krijuar në vitin 2013, që për vizion ka krijimin e një Kosove prosperuese, ku çdo i ri bën ndryshimin, me moton “Së bashku, të bashkuar, të arrijmë qëllimin”, në një prononcim për Radio KFOR-in, na i shpalosi sfidat më të cilat OJQ-të në përgjithësi ballafaqohen çdo ditë në Kosovë, me theks të veçantë Organizata që ai drejton.

më shumë...


Blerta Hoti sjellë ekspozitën personale “Peisazhe Imagjinative”

27.02.18

Artistja Blerta Hoti, e cila artin e saj kreativ e ka shtrirë edhe përtej kufijve të Kosovës, si në shtetet perëndimore, në Francë,  Zvicër, madje edhe në Amerikën e largët, tashmë do ta hapë një ekspozitë personale në Galerinë e Raiffeisen Bank, në Prishtinë.

Pas ekspozitës në Francë, e cila u mirëprit nga artdashësit francez, Blerta tani ekspozon një cikël të punimeve, të titulluar “Peisazhe Imagjinative”, në Prishtinë.

“Kërkimi im për peisazhin si koncept me erdhi kohë pas kohe, ide pas ideje, nga ambientet natyrore, nga pamjet e freskëta, nga natyra që i shtjellova me imagjinatë, ku arrita t’i zbërthej në format e mija si një aventurë e këndshme”, shprehet artistja.

më shumë...


Vend i lirë i pune në Shtabin e Përgjithshëm të KFOR-it

27.02.18

Shtabi i Pergjithshëm i KFOR-it, Ekipi i NATO-s për Këshillim dhe Ndërlidhje  (NALT) ka hapur një pozitë të lirë të përkohshme për pozitën ‘Asistent Programi’, sektori i Zyrës së Shefit të Shtabit.
‘Asistent i programit’ do të ofrojë mbështetje të drejtpërdrejtë të programit në kuadër të sektorit të Shefit të Shtabit të Ekipit të NATO-s për Këshillim dhe Ndërlidhje (NALT-it).

SHKOLLIMI DHE PËRVOJA E NEVOJSHME PËR KËTË POZITË:

•        Diplomë të shkollës së lartë / fakultetit në marrëdhënie ndërkombëtare, administratë publike, juridik, shkenca politike, shkenca shoqërore ose siguri, apo edhe ndonjë diciplinë e ngjashme.

•        Së paku dy (2) vite përvojë pune në fushën administrative në nivel kombëtar ose ndërkombëtar.
Aplikantët duhet të posedojnë shkathtësitë në lexim/shkrim/dëgjim dhe në të folur:

Gjuhë angleze – shumë mirë

Gjuhë shqipe – shumë mirë

Gjuhë serbe – mjaftueshëm

Aplikuesit duhet të jenë shtetas ose banorë të ligjshëm të Kosovës.

Gjithashtu mund të na kontaktoni përmes postës tonë elektronike në adresën recruitment@hq.kfor.nato.int ose në numrin e telefonit 038 70 2150.

Afati i fundit për dorëzimin e aplikacioneve për këtë pozitë është data 9 mars 2018, ora 16:00.
Hollësitë tjera lidhur me vendin e lirë të punës, mund t’i gjeni në përshkrimin e vendit të punës në faqen e internetit: https://jfcnaples.nato.int/kfor/about-us/working-in-kfor/local


< Para 1 2 319 20 21599 600 601 Pas >