< Para 1 2 318 19 20599 600 601 Pas >

Fillon java e muzikës ‘Jazz’ në Prishtinë

05.03.18

Sot (05.03.18) në Prishtinë fillon edicioni i parë i festivalit ‘Prishtina Winter Jazz Week’, i organizuar nga muzikanti i këtij zhanri muzikor, Nesim Maxhuni.  

‘Prishtina Jazz Week’, parasheh tre netë të muzikës Jazz, përfshirë këtu sjelljen e dy bendeve të mëdha nga SHBA-të dhe Britania e Madhe si dhe pjesëmarrjen e organizatorit, Nesim Maxhuni.

‘Prishtina Jazz Week’ do të mbahet në amfiteatrin e shkollës amerikane në Prishtinë (ASK), në qendër të qytetit, nga sot deri më datën 7 mars 2018.

Më poshtë lajmit mund të njiheni me programin e ‘Prishtina Winter Jazz Week’:

më shumë...


Fituesit e çmimeve ‘OSCAR’

05.03.18

Ceremonia e 90-të e çmimeve ‘OSCAR’ është mbajtur mbrëmë (04.2.18) në Los Angeles të SHBA-ve.
Ngjarja më prestigjioze e filmit  në botë mblodhi yjet kinematografike, njerëz nga bota e muzikës dhe artit, regjisorë dhe aktorë nga e gjithë bota të bashkuar për të parë nderimet që ndahen për meritat artistike dhe teknike në industrinë e filmave amerikanë.

Kjo ngjarje vjetore organizohet nga ‘Akademia e Arteve dhe Shkencave të Filmit’, për të njohur ekselencën në kinematografi arritjet e vlerësuara nga anëtarësia e votimit të Akademisë.

Fituesve të kategorive të ndryshme u jepet statujë e artë, e quajtur zyrtarisht "Academy Award of Merit", e cila është bërë e njohur me pseudonimin e saj "OSCAR".

Këtë vit kjo ngjarje e rëndësishme kinematografike është udhëhequr nga prezatuesi i famshem Jimmy Kimmel.

Në skenën e madhështore të këtij spektakli u ngjitën fytyra të famshme të kinëmatografisë për të pranuar çmimet.

Filmi që pranoi më së shumti çmime ishte drama romantike ‘The Shape of Water’ në regji të Guillermo del Toro, i nominuar në 13 kategori dhe fitues i katër prej tyre. Aktorja më e mirë u shpall aktorja Frances McDormand, për performancën e saj në filmin ‘Three Billboards Outside Ebbing, Missouri’, ndërkaq si aktori më i mirë u nderua aktori Gary Oldman, me filmin "Darkest Hour".

Me poshtë lajmit mund të njiheni me fituesit kryesor të çmimeve OSCAR’s 2018:

më shumë...


“Long as I Live” e rikthen Toni Braxton në muzikë

02.03.18

Pas një kohë të gjatë pauze në muzikë, këngëtarja e famshme botërore, Toni Braxton duket që po i rikthehet karrierës. Ajo ka zgjedhur emisionin “Loose Women” të ITV1 për ta promovuar këngën e re me titull “Long As I Live”.

E rikthimi i saj në këtë emission vjen pas dy dekadash, kur e kishte promovuar hitin e paharrueshëm, “Unbreak My Heart”, me të cilën këngë kryesoi top-listat në shumë vende të botës.

Tanimë 50-vjeçarja Braxton, është shprehur e gatshme që ta ringjallë karrierën e saj me publikimin e albumit të nëntë me radhë që pritet të lansohet gjatë këtij viti.

 

më shumë...


Përurohet ‘Qendra e Gruas për Përkrahje dhe Zhvillim’

02.03.18

Në komunën e Novobërdës u hap ’Qendra e Grave për Përkrahje dhe Zhvillim’. Qëllimet kryesore të kësaj organizate janë përmirësimi i cilësisë së jetës së grave nga kjo komunë, ngritja e vetëdijes, ofrimi i mbështetjes për gratë në ushtrimin e të drejtave të tyre dhe forcimi i zhvillimit ekonomik. Komandanti i SHBA, David Mason Junior, në një intervistë për Radio KFOR-in konfirmoi se rindërtimi dhe modifikimi i objekteve, si dhe të gjitha përgatitjet për hapjen e kësaj qendre kanë përfunduar brenda afatit të caktuar.

 

më shumë...


E ardhmja që duam

02.03.18

Prej 8 deri më 11 mars 2018 mbi 2,000 studentë/delegatë nga e gjithë bota do të mblidhen në New York në konferencën botërore të studentëve në simulimin e Asamblesë së Përgjithshme të Kombeve të Bashkuara, që këtë vit mbahet nën titullin “E ardhmja që duam” (Future We Want). 
Kolegji AAB është institucioni i vetëm jo publik në regjion i cili do të përfaqësohet në këtë ngjarje. Ekipi i studentëve i përbërë nga Azra Desic, Doruntina Alshiqi, Senad Durguti e Saranda Tafa do të debatojnë në Asamblenë e Përgjithshme të OKB-së, Këshillin Ekonomik dhe Social dhe komitetet e tjera zyrtare ku do të kenë mundësinë të përjetojnë përvojën e diplomatëve. 

më shumë...


Rita Ora rrëmben çmimin “Best Pop” në “The Global Awards”

02.03.18

Pas magjisë që përjetoi dhe përçoi tek fansat e shumtë me rastin e mbajtjes së koncertit të saj në Prishtinë, këngëtarja e njohur Rita Ora, menjeherë vazhdoi sukseset me të njëjtin ritëm, përmes performancës fantastike që realizoi në “Brit Awards”, për ta përforcuar edhe më shumë me çmimin ndërkombëtar që iu nda mbrëmë, në ceremoninë “The Global Awards të mbajtur në Londër.

 

më shumë...


Albert Stanaj në duet me DJ e njohur botëror Afrojack - AUDIO

01.03.18

Krahas artistëve të shumtë që tashmë kanë bërë emër në Industrinë e muzikës botërore, aty bën pjesë edhe artisti i talentuar Albert Stanaj, i cili përmes vokalit potencial e të veçantë, po depërton gjithnjë e më shumë në tregun e muzikës më të dëgjuar botërore.

Pas sukseseve të njëpasnjëshme më këngë të shndërruara në hite botërore, Stanaj së fundmi ka realizuar edhe një bashkëpunim me DJ dhe producentin e njohur holandez, Afrojack , përmes projektit të tyre të përbashkët muzikor të cilin e kan emërtuar “Bed of Roses”.
Stanaj, i cili jeton në New York, nisi të bëhej i famshëm falë përpunimit “cover-ave” të këngëve të famshme që i ka kënduar, zëri i të cilit tërhoqi vëmendjen e artistëve me famë botërore si Drake, Chris Brown, Jay Z, etj.
Tashmë fonetka e Radio KFOR-it, posedon këngën “Bed Of Roses”, të cilën mund ta dëgjoni më poshtë lajmit:

më shumë...


Dua Lipa patenton emrin e saj

01.03.18

Tashmë artistja më e mirë britanike, Dua Lipa, ka bërë kërkesë në zyrën për Pronësi Intelektuale, që ta përdorë emrin e saj për shitje të produkteve të ndryshme ose të patentoj emrin e saj.

Sipas burimeve të tabloidid të njohur amerikan ”The Sun”, Dua tani është duke shikuar mundësinë që të përfitoj nga suksesi i saj dhe të zgjeroj burimet e të ardhurave financiare.

“Meqenëse figura e Dua Lipës tashmë është inspirim për shumë të reja nga e gjithë bota, lansimi i linjave të veshmbathjeve, parfumeve apo grimit, do ti krijonin asaj pasuri , prandaj edhe janë bërë hapat e parë në këtë aspekt”, ka shtuar më tej burimi në fjalë.

më shumë...


Vjollca Aliu dekorohet nga presidenti i Francës

01.03.18

Drejtoresha e Departamentit të Trashëgimisë Kulturore në Ministrinë e Kulturës, Vjollca Aliu, është dekoruar me “Urdhrin Kombëtar të Meritës”, nga presidenti i Francës, Emmanuel Jean-Michel Frédéric Macron.

Këtë medalje, Znj. Aliu e ka pranuar mbrëmjen e së mërkurës (28.02.18) në rezidencën franceze në Prishtinë, duke u bërë kështu kalorëse e “Urdhrit Kombëtar të Meritës”.

Ceremonia është mbajtur pesë muaj pasi “Urdhri Kombëtar i Meritës” i ishte akorduar Valon Murtezajt, profesor permanent në Shkollën prestigjioze të Menaxhimit (IESEG) në Paris, ku ligjëron lëndët e diplomacisë dhe negociimit ndërkombëtar. 

më shumë...


Fituesja e çmimit “Ariu i Kristaltë” mysafire në Radio KFOR

01.03.18

Në kuadër të emisionit të mëngjesit “Espresso Lounge”, sot (01.03.18), mysafire ishte regjisorja dhe aktorja e mirënjohur Arbneshë Grabovci- Nixha, roli kryesor i filmit holandez, ‘Keim Holijanda” i shpërblyer me çmimin ‘Ariu i Kristaltë’, në Berlinale. Filmi në fjalë trajton një temë sociale të një familje me kushte të rënda ekonomike.

Duke shpjeguar dhe duke dhënë detaje rreth filmit, Arbnesha së pari falënderoi Radio KFOR-in dhe theksoi: “Ju keni qenë përkrahës moral për mua, duke na ndjekur që nga fillimi në këtë rrugëtim”.

E sa i përket pjesëmarrjes në Berlinale, ajo shpjegoi se fillimisht ishin të dyshimtë, a të marrin pjesë apo jo, por më në fund  pjesëmarrja e tyre në këtë festival ia ka vlejtur, duke e marrë çmimin “Ariu i Kristaltë”.

më shumë...


< Para 1 2 318 19 20599 600 601 Pas >