< Para 1 2 314 15 16599 600 601 Pas >

‘Klubi Alpin Prishtina’ i hapur për të gjitha etnitë në Kosovë

19.03.18

Sot (19.03.18) në Radio KFOR ishin të ftuar dy mysafirë, te moderatorja Trandelina Duli,  alpinistët Nazmi Hasanramaj dhe Qëndrim Sopi.

Gjatë emisionit u mësua se 'Klubi Alpin Prishtina' është klub i themeluar në vitin 2003-të, nga Bjeshkatarë, Alpinistë dhe Guida me eksperiencë të gjatë në këto aktivitete”, tha kryetari i këtij Klubi, Nazmi Hasanramaj. Që nga formimi i tij, ky Klub ka organizuar aktivitete shumë të suksesshme dhe interesante. Gjatë bisedës z. Nazmiu tregoi dhe për Sektorin e Edukimit të të Rinjve në Natyrë (Scout KAP), i cili më tutje tha se së shpejti do të fillojnë edhe me  implementimin e Programit Bazik të fëmijëve. “Deri më tani i kemi organizuar 35 kampe me fëmijë. Ne kryesisht shkojmë me module bazike dhe në bazë të përvojës që kemi fëmijët i adhurojnë shumë këto kampe“, tha z. Nazmi. 

më shumë...


Avni Pantina së shpejti me ekspozitë në Prishtinë

19.03.18

Këtë të enjte (22 mars), në ora 19:00, në Galerinë e Ministrisë së Kulturës do të bëhet hapja e ekspozitës “Një jetë bardh e zi”, e autorit Avni Pantina.

Kjo ekspozitë përmban një set të fotografive bardh e zi që autori i ka realizuar në Somali të Afrikës. Karakteret e kapura nga syri i aparatit të Avni Pantinës paraqesin një popull të vuajtur dhe në varfëri të skajshme, mirëpo me një kulturë shumë fisnike dhe dinjitoze.

Deri më tani, z. Avni Pantina ka realizuar pesëmbëdhjetë ekspozita, prej të cilave shtatë në Turqi, një në Somali dhe të tjerat në Kosovë.
Z. Pantina është edhe fitues i disa shpërblimeve brenda dhe jashtë vendit si “Salloni i Nëntorit” në Prishtinë në vitin 2010, pastaj çmimin për grafikën më të mirë në vitin 2015 në Fakultetin e Arteve-Universiteti i Hacettepes në Turqi, etj. 

më shumë...


Fillon Java e Gruas në Kosovë

19.03.18

Sot zyrtarisht ka filluar “Java e gruas 2018” në Kosovë. Kjo ngjarje vjetore organizohet nga Instituti Kombëtar Demokratik (NDI) në mbështetje nga Agjencia e Shteteve të Bashkuara të Amerikës (USAID).

Kjo ngjarje zhvillohet për të  mbështetur emancipimin dhe  për të ngritur diskutime gjinore ne Kosovë.  

Në këtë javë për nder të gruas, do të jenë pjesëmarrës rreth 130 persona në baza ndër-etnike duke përfshirë pjesëtarë të shoqërisë civile, akademike dhe përfaqësues të medieve në vend.

 

më shumë...


Kujtohet ariu i parë i shpëtuar nga FOUR PAWS dhe KFOR-i

16.03.18

E mbajtur në një kafaz të vogël, e braktisur, e pa ushqyer e me një të kaluar të tmerrshme, ariu me emrin Kasandra, me nismën e Organizatës Ndërkombëtare “FOUR PAWS”, tash 5 vite më parë ishte transferuar në shtëpinë e saj të përhershme në ‘Pyllin e Arinjëve Prishtina’.
Në një prononcim për Radio KFOR-in, përgjegjësesja për Komunikim, Turizëm dhe Ngritje të Fondeve,  Zana Aqifi,  u shpreh e emocionuar që pikërisht sot shënohet 5 vjetori i funksionimit të kësaj strehimoreje, ku sot jetojnë të lumtur 19 arinjtë.
“Kjo ka ndodhur fatmirësisht përmes një bashkëpunimi që e kemi pasur e vazhdojmë ta kemi me KFOR-in, ku u mundësua shpëtimi i një airu dhe kështu filloi i gjithë procesi i punës për strehimoren e ‘Pyllit të Arinjëve Prishtina’. Tash në këtë vend jetojnë 19 arinjtë e lumtur, në kushte të përshtatshme dhe me një  jetë që e meritojnë, krijojnë aktivitete të lira në hapsirë, me një ambient të përshtatshëm për specien e tyre dhe në kushte të favorshme”, tha mes tjerash, Znj. Aqifi.

Gjithë këtë sukses Znj. Aqifi, ia atribuon edhe KFOR-it , meqë siç thekson ajo, nga ajo ngjarje e rëndësishme e shpëtimit të ariut dhe krijimit të strehimores së arinjëve, kanë rrjedhur edhe shumë aktivitete të tjera të frytshme.

më shumë...


“Ti Je Një Luledielli” ndihmon fëmijët e Kosovës

16.03.18

Edhe më tutje është duke u bërë shitja e bluzave me logot “Ti Je Një Luledielli” dhe “Dardan”, kampanjë e cila filloi më 1 Mars, e iniciuar nga moderatorja e njohur nga Shqipëria, Albana Osmani, për t’i  ndihmuar fëmijët e Kosovës të cilët kanë sëmundje gjaku, leukemi dhe kancer.

Kampanja në fjalë është duke u mbështetur edhe nga shumë personalitete të njohura. Ditë më parë ishte vet Albana, që në faqen e saj të facebook-ut kishte falënderuar Kryetarin e Kuvendit dhe gjithë Deputetët e Kosovës, të cilët veshën bluzat me humanizëm në mbështetje të kauzës së ngritur për Fëmijët e Kosovës.

më shumë...


OSBE: Roli i medias në luftimin e ekstremizmit

16.03.18

Misioni i OSBE-së në Kosovë ka organizuar sot (16.03.18), një konferencë me temën ‘Angazhimi i mediave në luftimin e ekstremizmit të dhunshëm'.

Ekspertë të njohur vendorë e ndërkombëtarë, përfaqësues të mediave, shoqërisë civile, policisë dhe Bashkësisë Islame të Kosovës, diskutuan për rëndësinë e marrjes së informacionit të saktë dhe relevant për ekstremizmin dhe radikalizimin e dhunshëm që shpie në terrorizëm.

Konferenca është hapur nga shefi i Misionit të OSBE-së në Kosovë, Ambasadori Jan Braathu dhe Lulzim Fushtica, Koordinator Nacional për VERLT.

më shumë...


Poeti i dimensioneve evropiane tani edhe në Francë

16.03.18

Poeti i njohur kosovar, Bujar Tafa, këto ditë botoi vëllimin e tij më të ri “Mon triumphe/Triumfi im”, me 50 poezi në gjuhën frënge, në përkthim të poetes Ecaterina Chifu.

Konform kritikës letrare, Bujar Tafa ka propozuar që përvoja e jetës, përjetimet, dashuria, dhimbja, urrejtja, kujtimet, të jenë më të kompensuara, të metaforizuara, të rikrijuara, të ridhuruara sipas kuptimit dhe hijeshisë me të cilat i mvesh vargjet.

Autori na dhuron një himn lirik të qëndresës kosovare ndër breza, përmes pasqyrimit të lakmueshëm të poezisë së sotme moderne.

Poeti merr me vete dimensionet e jetës së tij, që nga fëmijëria e deri më sot, për të shfletuar të kaluarën dhe të sotmen, si procese jete në formatin e tij poetik.

më shumë...


"A mund ta imagjinosh këtë si diçka të bukur" ?! - Foto

15.03.18

Sonte (15 Mars) në orën 19:00, në Galerinë Kombëtare të Kosovës hapet ekspozita "A mund ta imagjinosh këtë si diçka të bukur”, e artistit Agron Blakçori, me kurator Mehmet Behluli.

E nisur me shkrepjen e një imazhi “A mund ta imagjinosh këtë si diçka të bukur”, pasqyron një peisazh urban në të cilin “intervenojnë” mbeturinat.

Në një intervistë për Radio KFOR-in, artisti Agron Blakçori ka treguar se si nisi si koncept “A mund ta imagjinosh këtë si diçka të bukur”: “Siç e dini ne jetojmë në një ambient të ndotur e me shumë mbeturina. Teksa po kaloja një ditë afër shtëpisë sime vërejta disa qese të najlonit të vendosura mbi disa lule. Kjo pamje më frymëzoi për të punuar një vepër arti. Së pari e fotografova, pastaj e kam zhvilluar idenë edhe në mediume tjera, vendosa ta shohë ndryshe, t’i imagjinoja jo vetëm si mbeturina.  Të gjitha veprat e mia janë reagim ndaj dukurive negative”, tha Blakçori.

më shumë...


Era Istrefi së shpejti me një hit të ri - Video

15.03.18

Këngëtarja shqiptare Era Istrefi, e cila është e vetmja që ka arritur të depërtoj në skenën ndëkombëtare nga vendlindja e saj Kosova, përmes këngës së saj “Bonbon”, duket se është duke punuar shumë për të ruajtur famën që tashme e ka krijuar në botë.

Kujtojmë që ishte pikërisht kënga “Bonbon”, e cila u shndërrua në super hit botëror me mbi 540 milon klikime në YouTube.

Edhe projektet tjera muzikore si “ Redrum”, bashkëpunimi me këngëtarin e njohur, French Montana “No I Love Yous”, u mirëpritën nga fansat e saj të shumtë anë e mbanë botës.

më shumë...


Dita Botërore e të Drejtave të Konsumatorit

15.03.18

Sot (15.03.2018), shënohet Dita Botërore e të Drejtave të Konsumatorit.

Ligji i të Drejtave të Konsumatorit, në Shetet e Bashkuara të Amerikës u miratua nga Presidenti, John F. Kennedy më datën 15 mars të vitit 1962, për t’i ndihmuar konsumatorët amerikan të kuptojnë të drejtat dhe përgjegjësitë e tyre.
Asambleja e Përgjithshme e Kombeve të Bashkuara, në vitin 1985,  miratoi udhëzimin edhe të 8 -të  të drejtave bazë të konsumatorit, të cilat u adoptuan dhe sollën politika më të forta në mbrojtjen e konsumatorëve në të gjithë botën.

më shumë...


< Para 1 2 314 15 16599 600 601 Pas >