“Presidenti i parë me ngjyrë në historinë e Shteteve të Bashkuara duhet ende të zgjidhet. Barack Obama është presidenti i parë me racë të përzierë”, kështu citohet të ketë thënë aktori i mirënjohur Morgan Freeman.

Në një intervistë për radion Amerikane ‘National Public Radio’, ku aktori Freeman ka promovuar filmin e tij të fundit, ai ka folur pa dorëza lidhur me presidentin Obama.

Morgan ka thënë: “Të mos harrojmë se mamaja e presidentit Obama ishte e bardhë dhe vinte nga Kansasi, zemra e bardhë e klasës së mesme amerikane, kështu që Obama nuk mund të cilësohet si President me ngjyrë pasi që ai është i përzier”.

Por aktori sërish ka lavdëruar punën e Presidentit Barack Obama, madje ai i ka cilësuar si “tepër të ashpra” kritikat që i janë bërë presidentit, duke akuzuar republikanët se kanë vetëm një objektiv: “Të çojnë Obamën në shtëpi”.